(Reportájen Suzana Cardoso)
DILI (Timor Post) – Hamutuk eleitór 859,613 ne’ebé hela iha munisípiu 12, Rejiaun Administrativu Especial Oe-kusse Ambeno (RAEOA), inklui Timor-oan hirak ne’ebé hela iha nasaun lima seluk prontu ona atu tuir eleisaun Prezidensiál ne’ebé sei realiza iha loron 19 Marsu tinan ne’e.
Tuir dadus ne’ebé fó sai iha jornál repúblika ne’ebé Timor Post asesu iha loron Tersa, (18/03/2022) hateten, total eleitór hosi Munisípiu Dili barak liu dahuluk kompara ho munisípiu seluk. Ho total eleitór 190,710. Total eleitór baak liu daruak hosi Munisípiu Baukau ho total eleitór 96,207. No total eleitór barak liu datoluk maka Munisípiu Ermera ho total eleitór 82,714.
Maski sei hein desizaun hosi Tribunal Rekursu, maibé Comissão Nacional de Eleições (CNE) Timor-Leste identifika ona total Timor-oan hirak ne’ebé maka sei tuir eleisaun Prezidensiál tinan 2022 nian iha Nasaun Australia.
Aleinde ne’e, hamutuk eleitór 7,113 ne’ebé sei fó sira nia votu iha nasaun estranjeiru hanesan; Australia, Coreia do Sul, Irlandia do Norte, Portugal no Reinu Unido. Hosi nasaun lima ne’e, eleitór barak liu mak iha Nasaun Reinu Unido ho total eleitorál 2,229.(Lee Notísia Seluk iha jornál Timor Post/Asesu You Tube Timor Post)
259 total views, 6 views today
