(Reportajen Jaime Pires/Editor Mateus da Cruz)
Dili (Timor Post)- Primeiru Ministru, Taur Matan Ruak, hatete, iha tempu badak nia sei fo sai lista membru governu sira ne’ebé maka tama iha remodelasaun.
“Sim sei iha, tanba ne’e kuandu iha remodelasaun ami sei hatete ba ita boot sira, tanba ne’e la’ós daun ne’ebé atu subar fali, nune’e tempu badak sei informa ba ita bot sira se mak atu sai no tama iha ministeriu ida ne’ebé,” Nia dehan bá jornalista sira iha Edifisiu, Ministeriu Finansas Aitarak-Laran, Tersa (08/03).
Nia hatete, remodelasaun ne’e normal, tanba desde primeiru governu to’o VIlI Governu konstitusionál sempre iha remodelasaun ba membru governu sira.
Entretantu bainhira husu kona-ba atu halo remodelasaun ba membru governu ne’ebé, Xefe governu hatete, to’o agora nia seidauk simu lista.
“Lista ha’u la simu, tanba desizaun ne’e ha’u mak sei halo tanba ne’e to’o tempu ita boot sira sei hatene, mezmu fulan ida de’it mós sei halo remodelasaun ne’ebé imi labele preokupa,” nia hakotu. (Lee notísia seluk iha jornál Timor Post/asesu You Tube timor post)
826 total views, 3 views today
Bele hare Video Seluk :