(Reportajen Cardenio Alves/Editor Mateus da Cruz)
Dili (Timor Post)- Relasiona ho konfrontu entre militante kandidatu sira iha munisípiu, Komandu Polisia Nasionál Timor Leste, husu ba ekipa susesu kandidatura atu kntinua kolabora ho komandu polisia iha munisípiu hodi mantein estabilidade siguransa durante kampana.
“Ita husu ba ekipa susesu kandidatura presidente republika na’in-16 atu kolabora nafatin, ho autoridade siguransa iha munisipiu para hamutuk hodi kontrola estabilidade siguransa durante kampaña,”informa Portavoz, Komandu Jerál PNTL, Superentendente Xefe, Armando Monteiro liuhusi konferensia imprensa ne’ebé mak relaiza iha Komandu Jerál PNTL, Kaikoli segunda (07/03).
Nia hatete, relasiona ho akontesimentu konfronta iha munisípiu Manufahi, Vikeke no Baukau, nia mós husu ba públiku atu hakmatek labele rona boatus, maibé nafatin kontribui ba prosesu kampaña to’o iha elisaun presidensial.
Kona-ba kazu konfronta iha Baukau, Vikeke no Manufahi hodi rezulta ema na’in 16 kanek no ssan barak hetan estragu, nia dehan, daudaun ne’e Komandu Polísia Nasionál Timor-Leste (PNTL), loke ona investigasaun
“Agora daudaun PNTL halo ona identifikasaun ba ita nian autór sira ne’ebé mak deskonfia iha kazu ida ne’ebé akontese iha Baukau Villa, iha Postu Administrative Venilale no Kelikai sei iha prosesu identifikasaun nia laran, tanba ne’e ita hein atualiza relatóriu iha loron tuir mai,” tenik.
Nia esplika, konfrontu iha Vikeke akontese bainhira apoiante no simpatizante hafoin kampaña, sira atu fila ba ida-idak nia uma maibé to’o iha Suku Makadiki mosu agresaun fízika.
Daudaun ne’e kazu Vikeke nian prosesu la’o hela no polisia detein ona ema na’in tolu hodi prosesa tuir dalan legal
Alende iha Postu Administrative Venilale, Kelikai, no Baukau Villa, mosu konfronta entre militante hosi kandidatu PR Lú olo no Armanda Berta, iha konfrontu ne’e rezulta estragu uma no sidadaun balun sai vítima tanba hetan tuda.
Eis komandante Baukau ne’e subliña tan, krime eleitorál ne’ebé sidadaun na’in rua halo impedementu ba militante partidu CNRT iha Postu administrative Holarua, Munisípiu Manufahi daudaun ne’e PNTL ho CNE komunika malu ona hodi haree kestaun refere. (Lee notísia seluk iha jornál Timor Post/asesu You Tube timor post)
825 total views, 3 views today
Bele hare Video Seluk :