(Reportajen Jaime Pires/Editor Mateus da Cruz)
Dili (Timor Post)- Konfrontu entre militante hosi kandidatu Prezidente Republika Francisco Guterres Lu Olo no militante hosi kandidatu Armanda Berta, iha Baukau, Domingu (06/3), Prezidente Komisaun Nasionál Eleisoins (CNE-sigla Portugés) hatete, daudaun ne’e ekipa CNE hamutuk ho Polisia Nasionál Timor Leste hahú halo identifikasaun, hodi buka hatene se maka sai suspeitu iha kazu ne’e.
“Tuda Malu iha Baukau entre militante partidu Khunto no FRETILIN iha Baukau ne’e ita seidauk identifika ida ne’ebé mak suspeitu, maibé agora ekipa hamutuk ho polísia tun ona hodi halo identifikasaun, karik iha rezultadu ita sei fó sai,” dehan Prezidente CNE, José Belo, hafoin halo konferénsia imprensa, iha Edifísiu CNE, Kolmera, Segunda (07/03).
Nia hatete, tuir lei eleisaun nian sei iha sansaun soberanu legal ba partidu sira ne’ebé nia militantes komete iha krime karik iha keixa ruma sei hatán tuir lei. Sansaun ida fali maka, tanba partidu sira kontra ona paktu unidade ne’ebé sira asina tiha ona, maka tuir kultura timor nian bainhira kontra sei simu nia malisan iha tempu seluk.
Tuir prezidente CNE ne’e, kampaña la’ós halo atu sobu malu no fahe malu maibé halo hodi sai unidus liután ba Timor nia di’ak.
Tanba ne’e nia husu ba partidu sira eduka nia militante sira hodi kontinua respeitu malu.
Entretantu, iha Domingu (06/03) meiudia akontese tuda malu entre militante Khunto ho Fretilin iha Kota Lama Baukau Villa, no kontinua iha loro kraik iha Berkoli, Postu Administrative Venilale, hodi hakanek ema besik nain-10 no sasán balun hetan estragu. (Lee notisia seluk iha jornal Timor Post/asesu youtube Timor Post)
771 total views, 3 views today
Bele hare Video Seluk :
Subscribe to Timorpost
