ADVERTISEMENT

Militante Partidu Khunto ho FRETILIN Ataka Malu

Timor Post - Baucau · Nasionál
  • Share

Reportajen Jaime Pires/Editora Suzana Cardoso

DILI (Timor Post) – Tanba provoka malu maka militante hosi Partidu Khunto no Partidu Fretilín tuda malu hodi rezulta sasán balun hetan estragu no moos militante na’in ida kanek hetan basa iha oin, maski nune’e Polisia Nasionál Timor-Leste (PNTL) sei nafatin halo identifikasaun ba akontesimentu ne’e.

ADVERTISEMENT
SCROLL FILA BA NOTISIA

“Sin ohin meiudia ataka malu entre grupu rua. Ida husi grupu militante Partidu Khunto no ida seluk husi militante FRETILIN sira iha area Kota-Lama ninia,” hateten Komandante PNTL Munisípiu Baukau, Superintendente Xefe António Maria de Sá ba Timor Post via telefone, Domingu (06/03/2022).

Superintendente Xefe António esplika liután, akontesimentu ne’e akontese tanba loron Domingu, (06/03/2022) militante Partidu Khunto hosi Postu Administrativu  neen  tun hotu mai Baukau kota lama hodi atu halo kampañe ba Kandidatura Prezidente Republika Armanda Berta iha Baukau Kampu Food ball,  Suku Triloka, Postu Administrativu Baukau Villa Munisípiu Baukau.

Lee Mós:
PNTL Koloka Membru 200 Halo Seguransa ba Trofeu Kopa Mundial

Maibé mai to’o iha Baukau villa derrepente militante Khunto tuda malu ho militante Partidu FRETILIN ne’ebé tuur hela iha sira nia fatin. Hosi tuda malu ne’e, PNTL foin maka identifika militante Partidu Khunto na’in ida hetan tuku iha oin.

Katak Superintendente Xefe António, relasiona ho kazu ne’e PNTL seidauk halo kaptura saun  tanba ataka malu entre grupu. Nune’e difisil atu identifika autór sira. Maski nune’e, PNTL sei nafatin halo investigasaun.

Lee Mós:
Alkatiri Asina Nota Esklaresimentu Kona-ba "Kazamentu Politiku iha Hotel Timor" no Afirma Sata Poder Informal

“Ita seidauk kaer ema ida. Tanba ohin ne’e ataka malu entre grupu entaun difisil atu identifika autór mak ida ne’ebé. Maibé agora ha’u orienta ona komandante postu sira hodi buka tuir sira ne’ebé mak deskonfia involve iha ataka malu ne’e,” dehan  Eis Komandante Kovalima ne’e.

Nia subliña, daudaun ne’e ekipa hahú tuun ba halo identifikasaun ba ema sira ne’ebé mak ohin tuda malu ne’e. Prosesu sei la’o hela. Nune’e seidauk iha dadus ema hira mak hetan kanek no komunidade hira mak hetan estraga ba sira nia sasán sira.

Maibé hatutan Superintendente Xefe António, dadus temporariu foin iha ema na’in ida hosi militante partidu Khunto mak kanek tanba hetan tuku iha oin laran. Ekipa PNTL halo ona investigasaun. Nune’e, akontesimentu ne’e ninia prosesu sei kontinua la’o.

Lee Mós:
CNC Sei Utiliza Kanál RTTL,EP Hodi Divulga Informasaun Kona-ba Istória Timor

Maibé tuir informasaun ne’ebé Timor Post asesu hosi media sosiál hateten, hosi akontesimentu tuda malu ne’e motorizada ida ne’ebé para hela iha loza foto kopia nia oin hetan tuda, hodi rezulta hetan estragu kmaan.(Lee notísia seluk iha jornál Timor Post/asesu You tube Timor Post)

 318 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Militante Partidu Khunto ho FRETILIN Ataka Malu” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: