(Reportajen Jornalista Estajiadu Mariano Abi / asistente editor Hermenegildo da Costa Tilman)
Dili (Timor Post) – Organizasaun sosiedade sivíl sira iha Timor Leste ne’ebé hamahan aan iha Forum ONG Timor Leste (FONGTIL), konvida entidade hotu iha mundu tomak atu apoiu Rusia no Ukrania ba meja diálogu, hodi nune’e bele hakotu funu entre nasaun rua.
Koordenadór defensór Direitu umanu, Inocêncio de Jesus Xavier, hatete, Fongtil fiar katak Estadu Rúsia Ukránia sei iha Oportunidade no Boa Vontade konvida malu tuur hamutuk, hodi ko’alia ho ulun malirin no fuan boot para habadak funu ne’ebe iha no ikus bele termina sofrimentu povu nasaun rua.
“Organizasaun Sosiedade Civil Timor Leste obedese ba orden husi tratadu internasionál ba deklarasaun universal ba direitu umanu, funu so lori sofrimentu no prejuizuba Povu ninia vida, liu-liu ba labarik kiik, ema ho defisiénsia, ema feto, no ferik ho katuas sira,” nia dehan ba jornalista sira iha Salaun Fongtil, Kaikoli, sesta (04/03).
Nia hatete, Timor Leste mós ratifika konvensaun internasionál sira, tanba ne’e estadu iha obrigasaun atu hato’o ninia pozisaun ba iha situasaun ida ne’e, liu hosi karta formal ruma hodi husu ba konsellu Nasoins Unidas nian atu apoiu ba dame, hodi hakotu funu entre país rua.
”Organizasaun sosiedade sivíl Timor Leste, husu ba Konsellu Seguransa Nasoins Unidus hodi halo intervensaun tantu asaun diplomátiku no asaun militár, destaka forsa apoiu ba pás ou peace Keeping Force, hodi prevene aktu agresivu militár Rúsia ba Povu no Soberania Ukránia,”nia hakotu.(Lee notísia seluk iha jornál Timor Post/asesu you tube Timor Post)
807 total views, 6 views today
Bele hare Video Seluk :
Subscribe to Timorpost
