ADVERTISEMENT

CNE Seidauk Simu Keixa Kandidatu Uza Atributu Partidu

Mateus da Cruz - Dili
  • Share
Prezidente CNE, Jose Belo, Imajen Esp

(Reportajen Florindo Coluna/Editor Mateus da Cruz)

DILI (Timor Post)-Relasiona ho deklarasaun Sekretáriu Jerál Partidu Demokrátiku (PD), António da Conceição “Kalohan”, ne’ebé dehan partidu boot rua Fretilín no CNRT uza atributu partidu hodi halo kampaña prezidensiál, Prezidente Komisaun Nasionál Eleisaun (CNE-sigla portugés) hatete, to’o agora nia parte seidauk simu keixa ruma kona-ba kestaun ne’e.

ADVERTISEMENT
SCROLL FILA BA NOTISIA


“To’o agora CNE seidauk simu keixa ruma kona-ba ida ne’e, ami seidauk hetan keixa ruma, ami seidauk bele apresia, seidauk fó buat ruma”, dehan Prezidente CNE, Jose Belo ba jornalista iha salaun konferénsia Media Center CNE Kolmera, sesta, (04/03).

Lee Mós :
Governu TL Asina Akordu Kabu Submariñu ho Empreza ASN

Nia dehan, antes kandidatu sira hahú kampaña CNE aviza tiha ona ba sira katak ida-idak utiliza ninia atributu iha kampaña, no tenke kumpre kompromisu sira ne’ebé kandidatu hotu-hotu halo ona.

“Ha’u hanoin ita aviza ona kandidatu hotu-hotu, ida-idak uza sira nia atributu ba kampaña, ami labele atua tanba la’ós benefisiáriu saida, ne’ebé ami husu hotu-hotu kumpre”, Jose Belo hateten.

Nia husu kandidatu sira di’ak liu respeita ida-idak ninia direitu kampaña, maibé utilizasaun ne’e tenke ida-idak ninia atributu.

“Maibé ba sira ne’ebé sente dehan atributu sira nian hato’o keixa ba CNE atu nune’e CNE ho órgaun kompetente sira bele hola desizaun tuir asaun ne’ebé kandidatu sira ne’e komete,” nia hakotu.

Lee Mós :
Importante, Dioseze Dili Urjente Konvida Padre Sira Ba Rona Anunsiu

Antes ne’e, Sekretáriu Jerál Partidu Demokrátiku (PD), António da Conceição “Kalohan”, konsidera kampaña ne’ebé maka daudaun ne’e partidu boot rua CNRT no FRETILIN halo ne’e la’ós ona kampaña kandidatu prezidente repúblika maibé kampaña partidu polítiku.

“Ami nia kandidatura Mariano Assanami Sabino, PD mak oferese maibé Kandidatu indivíduu, la’ós hanesan agora partidu Fretilín no CNRT ninia halo iha kampaña ne’e uza atributu no hari Bandeira partidu nian iha fatin-fatin, ha’u temi de’it mak partidu boot rua ne’e, CNRT no Fretilin,” dehan Kalohan, iha Sede PD, Kolmera kinta (03/03).

Lee Mós :
Kompania 7 Kompete iha Tenderizasaun ba Esplorasaun Petróleu Offshore no Onshore

Nia dehan, se Prezidente ida ne’e mak hakarak garante konstituisaun nia tenke hatene kedas ninia interpretasaun kona ba konstituisaun se lae, buat hotu-hotu ita fila fali ba iha 2020. (Lee notisia seluk iha jornal Timor Post/asesu youtube Timor Post)

 843 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “CNE Seidauk Simu Keixa Kandidatu Uza Atributu P…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No