Dili (Timor Post)- Primeiru Ministru (PM), Taur Matan Ruak, husu ba veternu sira hotu katak iha tempu ukun an ida ne’e tenke kontinua servisu maka’as no labele hein de’it milagre.
“Buat ne’ebé ha’u bele hatete ba veteranu sira hotu mak dezenvolvimentu hanesan mós buka atu ukun rasik an ne’e, tanba uluk buka ukun an, ema la fó ita iha bandeiza laran no la’ós milagre, no monu de’it,” dehan PM, Taur Matan Ruak ba jornalista sira iha Kuartel Jeneral Fatuhada, Dili, Kinta nee, (03/03).
Gerileiru ne’e dehan tan, uluk veteranu sira luta atu Timor-Leste hetan indepedensia ne’e hasoru susar terus no barak mate, hanesan mós iha prosesu dezenvolvimentu nasaun nian, ema hotu tenki servisu hodi sustenta sira nia moris.
“Dezenvolvimentu iha nasaun ida mós ita sei hasoru terus, tanba ita tenki servisu no hisik kosar mak hetan, no nia labele monu de’it iha bandeiza, se ita hanoin hanesan ne’e uluk ha’u halo tia ona agora ne’e tenki monu husi bandeiza, vida la hanesan ne’e ida, ita gosta ideal bele hanesan ne’e, soke infelizmente mundu la funsiona hanesan ne’e”, Taur dehan.
Ho ida ne’e Primeiru Ministru ne’ebé hanesan mós ema veteranus, husu ba nia maluk sira kontinua fó sira nia kontribuisaun ba paz no estabilidade iha nasaun ida ne’e, no mós servisu hamutuk nafatin hodi halo dezenvolvimentu.(Lee notisia seluk iha jornal Timor Post/asesu you tube Timor Post)
731 total views, 3 views today
Bele hare Video Seluk :