(Reportajen Jaime Pires/Editor Mateus da Cruz)
Dili (Timor Post)- Governu Tmor Leste deklara kontra total invazaun Militár Rúsia hassoru Ukráina, tanba iha okupasaun ne’e hamosu sofrementu boot ba povu Ukránia .
“Timor Leste nia posizaun kontra total ba kualker tipu ba okupasaun ne’ebe halo husi militar Rusia ba nasaun Ukrania, ita kontra ida nee tanba lori sofrimentu povu Ukrania sira. Tanba ne’e Ha’u hakarak manifesta ita nia Solidaridade ba povu Ukránia ne’ebé hetan invade husi tropa Rúsia,” deklara Primeiru Ministru, Taur Matan Ruak, hafoin partisipa iha komemorasaun loron Veteranu ba dala-lima, ne’ebé hala’o iha Kuartel Jerál, Fatuhada, Kinta (03/03).
Nu’udar Primeiru Ministru, nia lori povu Timor-Leste nia naran husu ba Organizasaun Nasoens Unidas (ONU) atu buka lalais solusaun pasifika ba konflitu ida ne’e nune’e evita ema mate invazaun ida ne’e.
Tuir dadus ne’ebé Timor Post asesu husi media ka Website Military Times katak, militár Rúsia halo invazaun ba povu no nasaun Ukránia ne’e, ema husi Ukránia mate hamutuk rihun rua resin. (Lee notisia seluk iha jornal Timor Post/asesu you tube Timor Post)
647 total views, 3 views today
Bele hare Video Seluk :