(Reportajen Cardenio Alves/Editor Mateus da Cruz)
DILI (Timor Post)- Consellu Nasional Juventude Timor Leste (CNJTL), hamutuk ho juventude partidu politiku sira, asina paktu unidade nasional, hodi hametin siguransa no estabilidade Nasional iha teritoriu Timor laran tomak durante Kampania no hafoin Elisaun Prezidensial 2022.
Prezidente Consellu Nasional Juventude, Maria Soares Magno, hatete, demokrasia Ida nee presiza tebes ba sidadaun hotu Nia kontribuisaun
” Ita mos hatene dadaun nee Tama ba tinan politika, importante tebes oinsa halibur Juventude partidu politiku, Tamba opta ona multi-partidarismu, no diferensia la sai inimigu, no Laos sai sasukat neebe presiza hatun malu, no hotu-hotu ativu iha palku demokratizasaun,”nia dehan iha iha jardim 12 Novembro Motael, Segunda, (28/02).
Nia dehan, CNJTL bele hola Nia papel importante atu sai hanesan sumbrina ba Juventude partidu politika Sira, Tamba juventude sira mai ho diferente politika, maibe objetivu Mak ba Timor Nia diak, lori justisa, Lei, povu sai sobre Vivente,
” Ita presiza prense palku demokratizasaun ho konsiensia, maduru, responsabilidade, oinsa Mak bele lori etapa jornada iha politika nee bele sai prinsipiu demokratiku Duni,” dehan tan.
Nia apela, husi CNJTL halibur juventude Sira Liu-liu partidu Sira hanesan, PDRT, PUDD, CNRT,FRETILIN,PD, PLP, Frente Mudansa, ne’ebé asina ona paktu unidade nasional atu bele sai unidade Liu Tan, maske ho partidu diferente maibe hanoin Ida deit ba povu no nasaun Nia Moris diak, paz no estabilidade.
Alende ne’e reprejentante juventude husi partidu politika Sira hato’o ba publiku katak, nudar Juventude partidu politiku atu Tama ba kampania iha loron Rua to’o loron sanulu-resin-ne’en Fulan marsu no Tama ba iha elaisaun prezidensial iha loron sanulu-reain-sia tinan 2022.
“Ami Organizasaun Juventude Partidu Politiku Kaer metin prinsipiu no valores Unidade Nasional hodi tane a’as interese Nasional ba hametin siguransa no estabilidade Nasional iha teritoriu Timor laran tomak durante Kampania no depois remata Elisaun Prezidensial 2022,”dehan reprezentante juventude.
Organizasaun Juventude Partidu Politiku Defende legalidade demokraitiku tuir prinsipiu multi partidiria ne’eb mak hakerek ona iha Artigu 7, konstituisaun RDTL hodi respeita ezistensia partidu politiku hotu-hotu iha Timor-Leste.
(Lee notisia seluk iha jornal Timor Post/asesu youtube Timor Post)
837 total views, 6 views today
Bele hare Video Seluk :