(Reportajen Mariano Abi / Editor Mateus da Cruz)
Dili (Timor Post) – Fundasaun Alola (FA) hetan apoiu fundus husi USAID, Turismu ba Ema Hotu, realiza eventu Festival Tais ba selebrasaun Tais nu’udar Patrimoniu Kultural no material, ne’ebé inskreve ona iha lista UNESCO nian.
Atividade ne’ebé hala’o iha Otel Novo Turismo, Bidau Lecidere, segunda (28/02), kompostu hosi demonstrasaun Soru Tais, Kor Natural, Dansa Kultural no Musika Tradisional inklui Feira Tais.
Cheif Executive Officer (CEO) Fundasaun Alola, Maria Imaculada Guterres, dehan, atidade ida ne’e ida ne’e parte ida husi patrimoniu kultura material nian, ne’ebé Alola mak sai membru no lidera husi SEAK hamutuk ho parseiru sira iha laran.
“ita hatene katak, ita ninia tais hetan ona rekonesimentu huai UNESCO, no tama ona iha lista patrimoniu kultura material iha mundu, entaun tinan-tinan ita tenke halo atividade sira ne’e, hodi oinsa bele promove no rezerva proteze ita nia tais hanesan identidade kultura Timor Leste ninian,” nia dehan ba jornalista sira hafoin remata atividade ne’e.
Nia sublina tan, Fundasaun Alola serbisu hamutuk ho grupu soru na’in sira iha munisipiu hotu iha timor laran, FA mos parseria ho Timor AID fo apoiu husi UN Women, agora daudauk hetan tan apoiu husi USAID, espera ba oin esforsu liu tan soru na’in sira, atu kontinua produs tais ho kuantidade ne’ebe mak boot, tuir nesesidade Timor Leste ninian.
“Sa tan, agora daudauk ita nia Governu, halo ona planu halo fardamentu ba iha funsionariu sira no estudante sira, hanoin ida ne’e importante tebes para bele asegura produsaun tais ne’ebe ho kuantidade boot, atu bele priense ba iha nesesidade ida ne’e,” nia afirma.
Enkuantu FA hetan apoiu fundus ki’ik husi USAID ho montante $30.000 resin, halo festival ida ne’e, inklui atividade sira hanesan Feira Tais, ne’ebe mak horiseik to’o ohin sei la’o hela, iha festival ne’e mos Timor AID fo rekonesimentu sertifikadu ba grupu soru na’in sira ne’ebe mak esforsu maka’as hodi tais ne’e hetan rekonesimentu husi UNESCO.
Iha sorin seluk hanesan Sekretariu Estadu Arte no Kultura (SEAK) Teofillo Caldas, haktuir, Governu sei kria regulamentu atu obriga uza Tais iha loron importante sira, primeiru iha ona rezolusaun Parlamentu numeru 2/2022 dia 14 fulan Novembru, kona ba loron nasional Tais.
“Governu iha dever atu kompleta ho dekretu lei ruma, agora iha dekretu lei ne’e la’os ita atu koalia kona ba loron nasional deit, intervallu ida ho loron nasional ba Tais ho ita mos tau utilizasun tais ne’e oinsa, entaun Governu iha hanoin ida, iha dekretu Governu ne’e atu bele fim da semana hasa’e bandeira ne’e, funsionariu hotu-hotu tenke utiliza tais, ” nia dehan.(Lee notisia seluk iha jornal Timor Post/asesu youtube Timor Post)
1,411 total views, 3 views today
Bele hare Video Seluk :
Subscribe to Timorpost
