(Reportajen Jaime Pires/Editor Mateus da Cruz)
Dili (Timor Post) – Ministru Agrikultura no Peskas (MAP), Pedro dos Reis, hatete kada tinan sidadaun sira estraga ai kuaze Hektare rihun 12, hodi fó impaktu ba balada fuik barak lakon ai-han no fatin.
“Kada tinan ita, ai tuan sira, Hektares rihun sanulu resin rua (12.000) ne’e mai husi ita nia lala’ok rasik ema tesi ai arbiru, sunu rai arbiru estraga tiha animal fuik nia hahán fatin,” dehan Pedro dos Reis iha Timor Plaza, kinta (24/02)
Nia hatete, hosi hahalok sidadaun sira nian ne’e balada fuik barak maka daudaun ne’e komesa menus ona iha rai laran.
“Ezemplu ki’ik ida mak manu kakatua, uluk iha timor manu kakatua bele barak la halimar, mais manu kakatua agora ba para hotu iha rai seluk, tanba ema nia ai tuan ema konserva, ita nian la iha hotu” nia dehan.
Tanba ida ne’e mak nia husu ba komunidade sira atu kontinua konserva ai tuan sira nune’e balada fuik sira ne’ebé mak lakon ona iha Timor bele fila fali. (Lee notisia seluk iha jornal Timor Post/asesu you tube Timor Post)
706 total views, 3 views today
