(Reportajen Mariano Abi/ Editor Mateus da Cruz
Dili (Timor Post) – Institutu Para Defeza dos Direitos das Crianças (INDICA sigla portuges), hamutuk ho nia parseiru sira ne’ebé servisu ba direitu no protesaun labarik, husu ba kandidatu prezidente Repúblika (PR), partidu polítiku no entidade sira hotu atu asegura no fó protesaun ba labarik husi risku sira durante períodu kampaña eleisaun prezidensiál.
Prezidente INDICA, Dinorah Granadeiro, hatete, durante períodu kampaña dalabarak akontese mobilizasaun masa liu-liu labarik sira ba iha kampaña, ida ne’e fó risku boot ba labarik sira bainhira la atensaun ho didi’ak..
“Iha períodu kampaña kandidatu sira no partidu polítiku hotu hahú husi eleisaun jerál 2001 to’o eleisaun jerál 2007, 2012, 2017 no 2022 envolvimentu labarik kontinua ass, ne’ebé Fenómenu ida ne’e, tenke haree hanesan situasaun importante tanba kampaña husi kandidatu no partidu polítiku nian mak úniku festa demokrasia iha ne’ebé akontese mobilizasaun Massa ass,” nia dehan iha salaun MSSI, kinta (24/02).
Organizasaun Naun governamental sira ne’ebé servisu halo monitoriamentu ba eleisaun relata katak labarik barak mak envolve iha kampaña, balun abandona eskola hodi ba tuir kampaña.
Nune’e mós menus koñesimentu públiku kona-ba direitu labarik nia partisipasaun polítiku, no menus konxiénsia Eleitorál kona ba atitude demokrátiku sai hanesan impedimentu ba prosesu harii pas no estabilidade durante períodu eleisaun.
Prezidente INDICA rekomenda mós ba média no komunikasaun sira hotu atu kontinua halo kobertura imparsiál no krítiku kona-ba partisipasaun labarik durante períodu kampaña. (Lee notisia seluk iha jornal Timor Post/asesu youtube Timor Post)
832 total views, 3 views today
Bele hare Video Seluk :