(Jornalista Jaime Pires/Editor Mateus da Cruz)
Dili (Timor Post)- Prezidente Institutu Jestaun Ekipamentus (IJE I.P) Hermenegilda da Costa Lairentina dehan, sira nia ekipamentu pezadu ne’ebé mak mota lori iha Hera, agora seidauk hasai.
“Hori kalan ami ba to’o iha ne’ebá maibé ami haree volume mota ne’ebé mak boot entaun ita seidauk bele lori sai mákina pezadu iha mota laran,” nia dehan bá jornalista sira Salaun CNE, Lalini-Larigutu Kolmera Tersa (22/02).
Nia hatete, daudaun ne’e ekipa sei iha terrenu hodi haree hela kondisaun bee molok atu hasai mákina pezadu ne’e.
“Kuandu ekipa IJE iha terrenu haree kondisaun volume tun ona, ami sei mobiliza mákina pezadu eskavator hodi bele kee hodi bele foti sai tiha makina pezadu ne’e depois sei halo manutensaun,” tenik Nia.
Maibé karik mak orasida kondisaun volume mota sei boot ekipa IJE sei halo esforsu hotu hodi dada sai tiha mákina pezadu refere.
Prezidente ne’e mós subliña, mákina pezadu rua ho naran Buldozer rua mota lori iha Aldeia Mota-Kiik Suku Hera Postu Administrative Metinaru tanba akontesimentu udan boot ne’ebé mak akontese iha loron Segunda (21/02) lorokraik ne’e. (Lee notísia seluk iha jornál Timor Post/asesu YouTube Timor Post)
739 total views, 3 views today
Bele hare Video Seluk :