(Reportajen Jaime Pires/Editor Mateus da Cruz)
Dili (Timor Post)-Daudaun ne’e Arte Marsiais, Ikatan Kera Sakti (IKS), seidauk rejistu legal iha Ministeriu Justisa enkuantu Kmanek Oan Rai Klaran (KORK), hetan ona lisensa no hein de’it naran públika iha jornál da repúblika.
“IKS-PTL sei iha hela prosesu kompleta dokumentus no KORK hetan ona lisensa hanesan organizasaun firma legal ida ne’ebé bele hala’o sira nia atividade maibé seidauk públika sai iha jornál da repúblika,” dehan Prezidente Komisaun Regulador Arte Marsiais (KRAM), Octavianos da Conceição iha Salaun Komisaun Anti Korupsaun (CNE), Lalini-Larigutu, segunda (21/02).
Nia espera iha fulan ida ne’e nia laran ka fulan oin mai públika sai hotu ona artemarsiais IKS-PTL no KORK sira nia lisensa iha jornál da repúblika, atu nune’e sira bele hetan ona legalidade no bele halo atividade ba prátika Arte Marsiais nian.
Maibé KRAM mós bazeia ba iha lei númeru 05/2017 artigu/09 kompetensia propriu komisaun regulador artemarsiais katak, KRAM mak bele fó autorizasaun ka lisensamentu ba atividade arte marsiais iha teritoriu timor laran tomak.
Fó hanoin fali katak, oitavu governu liuhusi Sekretáriu Estadu Juventude Desportu (SEJD) diresaun Komisaun Regulador Arte Marsiais (KRAM) reativa fali Arte Marsiais no Rituais sira hanesan, PSHT, IKS, KORK no 77, tanba desizaun Konsellu Ministru liuhusi rezolusaun númeru 04/2020 iha loron 02 fulan Marsu liubá, hodi retaiva fali atividade organizasaun Artemarsiais no Rituais sira nian. (Lee notisia seluk iha jornal Timor Post/asesu youtube Timor Post)
2,146 total views, 3 views today
Bele hare Video Seluk :