(Reportajen Amelia Soares Babo/Editor Mateus da Cruz)
Dili- Dewan Solidaritas Mahasiswa Pemuda Pelajar Timor Timur (DSMPPTT) Realiza kongresu ba haat hodi hili estrutura foun.
“Objetivu husi kongresu ba dewan solidaritas ba da haat ho objetivu prinsipál maka hanesan re-define vizaun no misaun estatutu, iha parte seluk maka re-reestruturasaun tuan ne’ebé antes ne’e hanesan prezidente ne’ebé eleitu iha tinan 2016 ohin termina mandatu hili fali prezidente foun”, informa prezidente (DSMPPTT) Jose da Costa Magno, iha Salaun CNE, Kolmera Dili, domingu, (20/02).
Nia dehan, durante kongresu ba loron rua ho tema jerál, “Hamutuk ho povu hodi hetan povu nian mehi ba moris di’ak no dignu” sei halo diskusaun no aprezenta kandidatu depois hili estrutura foun liu husi votasaun.
Nia dehan, mandatu dewan solidaritas nian oinsá atu kontinua no mantein dignidade estadu soberanu ne’ebé kredivel no sustentavel.
Misaun Dewan Solidaritas la’ós atu hatudu forsa maibé atu sai transformadór sosiál no sai hanesan grupu ida ne’ebé atu fila fali ba iha baze iha postu suku aldeia sira hodi observa direta povu nia moris no hodi kolabora hamutuk hodi rezolve povu nia preokupasaun.
“Ami la’ós jerasaun tuan ka jerasaun foun maibé ami nia pozisaun translerasional internasionál ba jerasaun ba mediadór jerasaun foun nian hodi observa povu nia moris.
Iha kongresu ne’e lansa mós livru ida ho tema kontestu nasionál no hakerek na’in ba livre membru dewan dolidaritas husi munisípiu Ermera postu administrativu Atsabe, livru ne’e hakerek to’o pájina 294.
Livru refere bele uza iha universidade tanba livru ne’e hakerek istória sosiál no polítika, atu nune’e ita nia estudante ka juventude sira bele lee hodi hatene kona ba istória tempu pasadu nian livru ne’e iha kapítulu sia no pájina 1-194.
Entretantu tuir observasaun diáriu Timor Post nian iha loron sábadu no domingu kongresu ne’e hetan partisipasaun másimu husi dewan solidarities husi munisípiu sanulu resin tolu.(Lee notisia seluk iha jornal Timor Post/asesu youtube Timor Post)
656 total views, 3 views today
Bele hare Video Seluk :
Subscribe to Timorpost
