ADVERTISEMENT

Juventude Aldeia-4 Iha Bazartete Deklara Vota ba Horta

Mateus da Cruz - Dili
  • Share
Juventude Aileba-Oan iha Bazartete, Likisa hato'o deklarasaun fo apoiu ba kandidatu Prezidente republika Jose Ramos Horta, Foto espesial

(Reportajen Jaime Pires/Editor Mateus da Cruz)

Dili (Timor Post)- Juventude Aileba-Oan hamutuk aldeia haat iha Suku Tibar, prontu vota ba kandidatu Prezidente Repúblika, José Ramos, ne’ebé hetan apoiu husi Kay Rala Xanana Gusmão.

ADVERTISEMENT
SCROLL FILA BA NOTISIA


Grupu Juventude Aileba-Oan, husi aldeia haat mak hanesan, Aldeia Turuleu, Fatunia, Mau-Soi no Libulelo Suku Tibar, Postu Administrativu Bazartete, Munisípiu Likisa.

“Ami Juventude Aileba-oan, kompostu husi Aldeia 4 ne’ebé iha Suku Tibar, nu’udar grupu independente ida ne’ebé la inklina ba organizasaun no partidu polítiku ruma, deklara hodi rai lulik Timor-Leste nia naran katak, ami prontu fó apoiu másimu ba Kandidatu Prezidente Repúblika José Ramos Horta,” deklara Portavós Juventude, Aileba-Oan, Paulina Tanec da Silva Cono, liuhusi konferénsia imprensa, sábadu (19/02).

Lee Mós :
Estudante UNITAL Na’in 61 Simu Judisíum

Nia dehan, sira deside hili kandidatu Ramos Horta tanba Xanana no Ramos Horta maka bele hadi’a problema nasaun nian hodi hadi’a hikas ben estar povu no nasaun inklui dezenvolve no hadi’a ekonomia nasaun Timor-Leste.

“ami observa durante povu Timor-Leste  sofre terus no hasoru dezastre oin-oin, Xanana no Ramos Horta maka tun direita hodi lori apoiu vítima sira iha Timor-Leste,” tenik.

Grupu Juventude Aileba-Oan fiar katak Horta ne’ebé hetan ona apoiu másimu hosi Lider Karizmátiku Kay Rala Xanana Gusmão hamutuk ho Partido CNRT no partidu polítiku sira seluk, inklui grupu apoiantes oi-oin iha duni kapasidade hodi bele hakuak lider sira hotu, hahú hosi Lider jerasaun tuan, jerasaun foun, no lider kontinuador sira atu bele hakotu impase politiku iha rai laran.

Lee Mós :
Wetodo Garante Projetu Bee Moos Iha Soibada Kualidade Di’ak

Juventude aileba sira ne’e mós fiar katak Premiadu Nobel da Paz José Ramos Horta iha pezu politiku atu bele rezolve problema interna liu-liu atu bele influensia Governu nune’e bele hadi’a ekonomia povu no garantia estabilidade polítika no seguransa iha rai laran.

“Ami mós depozita ami nia konfiansa tomak ba José Ramos Horta ne’ebé koñesidu iha Mundu atu bele promove no rekupera hikas imajen Timor Leste nian iha nivel regional no internasionál ne’ebé foer ona durante tinan tolu (3) ikus ne’e. Ho razaun hirak ne’e hotu mak ami prontu servisu maka’as atu lori Dr, Jose Ramos Horta ba Tuur iha Palacio Presidente Bairropite hodi servi povu no nasaun Timor-Leste,” dehan portavós.

Lee Mós :
Lere Husu Lideransa Sira Prepara Juventude ba Futuru Nasaun

Daudaun ne’e ekipa juventude sira ne’e hahú servisu maka’as hodi sosializa informasaun ba povu sira iha Tibar esplika lista kandidatu prezidente José Ramos Horta no númeru surteiu 14 ne’ebé Tribunál Rekursu fó sai ona. (Lee notisia seluk iha jornal Timor Post/asesu youtube Timor Post)

 

 786 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Juventude Aldeia-4 Iha Bazartete Deklara Vota b…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No