(Reportajen Mariano Abi/ Editor Mateus da Cruz)
Dili (Timor Post) – Asosiasaun HAK, Sesta ne’e, lansa postu reklamasaun iha Munisípiu Dili ho objektivu atu simu reklamasaun sidadaun sira husi Munisipiu no Grupu Alvu Stratejiku (GAS-HAK), hodi hatutan sedu ba Orgaun Eleitoral, atu hetan intervensaun emidiata.
Diretor Ezekutivu Asosiasaun HAK, Sisto Do Santos, hatete, HAK ninia vizaun maka eleisaun ne’ebe justu no demokrátika ba dezenvolvimentu nasionál ne’ebé dignu no sustentável no misaun mak atu hasa’e taxa partisipasaun sidadaun krítiku hodi halo kontrolu ba prosesu eleisaun, ho ninia objetivu mak, Fasilita Partisipasaun Sidadaun Sira Hodi Divulga, Artiku no Reklama prosesu eleisaun ne’ebé Justu no Livre Prosesu Eleisaun ne’ebé justu no livre.
“HAK loke espasu ida iha Dili, Ami sei divulga numeru kontaktu sira iha oras 24 nia laran, kalan ou loron via telefone, diak liu tan Vidio Call, atu nune’e evidentiamente forte tebes, hodi advoka hamutuk, sei iha infrasaun ruma, ema ruma ne’ebe mak ba halo buat ruma ne’ebe mak hamosu ema seluk sai sofre, ita bele reklama, ne’e ita nia diretu,”nia dehan iha Edifisiu Asosiasaun HAK, Farol.
Nia konta, historikamente iha tinan 1996, HAK besik ba komunidade sira ho sira nia komplemen sira situasaun ne’ebe mak sira infreta iha altura ne’eba. Situasaun ne’e kontinua HAK halo iha papel iha tempu ukun aan, durante tinan ruanulu HAK ba vizita no hasoru ita nia komunidade sira, relasiona ho prosesu infrasaun balu, kona ba eleisaun nian,
“Depois tinan ruanulu resin lima, ba HAK hare ne’e to’o ona, HAK sei la tun ba ita nia komunidade sira, iha munisipiu balu ne’ebe mak serbisu ba, hanesan Aileu, Ainaru, Ermera, Dili, Baukau, Vikeke, Likisa no manufahi,” nia dehan.
HAK fiar fo konfiansa ba Membru Grupu Alves Estratejiku sira iha munisipiu balu ne’e, HAK hein deit sira nia asaun sidadania, ne’ebe kritiku hodi tau matan ba prosesu ne’ebe maka daudaun ne’e ita hotu infrenta. (Lee notisia seluk iha jornal Timor Post/asesu youtube Timor Post)
957 total views, 3 views today
