(Reportajen Cardenio Alves/Editor Mateus da Cruz)
DILI(Timor Post)- Comissão Nasionál Eleições (CNE) hamutuk ho Radio Televizaun Timor Leste (RTTL), prepara atu realiza debate nasionál ba kandidatura prezidente repúblika na’in 16 ne’ebé maka sei kompete iha eleisaun prezidensiál períodu 2022-2027.
“Ita Nia planu ne’e hahú iha loron 2, Fulan Marsu tinan 2022, Maibé haree mós tempu karik kandidatu sira bele debate loron Ida ou rua, tanba preparasaun oinsá mak bele organiza debate nasionál sira ne’e ho di’ak,” hatete Prezidente CNE, Jose Agostinho da Costa Belo, iha Edifísiu CNE, Kaikoli, Segunda, (14/02).
Nia dehan, iha debate ne’e sei la konvida kandidatu nia ekipa susesu maibé kandidatu sira rasik maka tenke marka prezensa hodi fó sira nia hanoin no intervensaun iha debate ne’e.
Iha fatin hanesan, Reprezentante Mídia RTTL, Daky Belo, hatete, nia parte mai halo diskusaun ho CNE hodi prepara kalendáriu debate no mós preparasaun tékniku balun.
” Ita halo diskusaun ho parte CNE Li-Liu ba iha kalendáriu debate nasionál ba kandidatura sira, iha kestaun tékniku ne’ebé RTTL ho CNE halo diskusaun atu bele iha debate nasionál kandidatu Sira bele hetan solusaun ruma konkluzaun pozitivu ba kandidatu na’in sanulu-resin hitu,” nia dehan.
Iha planu ba debate nasionál ne’e sei iha vox pop, katak saida Mak prezidente rasik ko’alia, ne’e produsaun Ida ne’ebé liu husi RTTL nia programa. (Lee notísia seluk iha jornál Timor Post/asesu YouTube Timor Post)
590 total views, 3 views today
Bele hare Video Seluk :