(Reportajen Jaime Pires/Editora Suzana Cardoso)
DILI (Timor Post) – Hein ezonerasuan husi Prezidente Repúblika , Francisco Guterres Lu Olo nia desizaun, Tenente Jenerál Falintil-Forsa Defeza Timor-Leste (F-FDTL, )Jenerál Lere Annan Timor husu lisensa hodi trata asuntu balun.
“Sim Señór Jenerál Lere nia husu duni lisensa de’it, durante loron hirak ne’e nia laran. Tanba nia iha asuntu ruma atu trata. Maibé nia la’ós abandona ninia responsabilidade. Tanba nia sei hein ezonerasuan husi Prezidente Repúblika.”
Lia hirak ne’e hato’o hosi Ministru Defeza (MD), Filomeno Paixão de Jesus ba Jornalista sira iha Palásiu Governu, iha semana ne’e, hafoin remata enkontru semanál ho Primeiru Ministru, Taur Matan Ruak hodi informa kona-ba Jenerál Lere ninia pozisaun.
Lee Notisia Relevante: Ezonera Jeneral Lere, Falur Lidera F-FDTL
Nia esplika liután, Jenerál Lere husu lisensa atu hala’o asuntu balun. La’os abandona servisu. Tanba Jenerál Lere nia responsabilidade remata iha F-FDTL, kuandu Prezidente Repúblika deside ona hodi fó ezonerasuan.
Responde kona bá karta ezonerasuan nian katak Filomeno Paixão, Konsellu Ministru aprova ona karta ezonerasuan iha semana kotuk. No lori ona bá Prezidente Repúblika hodi aprova. Maibé molok atu aprova, sei bolu tan konsellu seguransa atu deside. Prosesu responde karta ezonerasuan Jenerál Lere nian semana ida ne’e iha posibilidade bele remata.
Maski nune’e ho lisensa hosi Jenerál Lere, tuir Ministru Paixão, daudaun ne’e servisu funsionamentu ba F-FDTL nian la’o normál. Tanba substitui husi Vise. “Ne’ebé agora buat hotu-hotu la’o normál. Funsionamentu servisu mós di’ak hela,” deklara Paixão.
Antes ne’e tuir informasaun ne’ebé Timor Post asesu husi komunidade ne’ebé hela besik Rezidénsia Jenerál Lere iha Praia Dos Coqueiro ne’ebé lakohi temi nia naran katak, Jenerál Lere durante ne’e la bá ona servisu. Nia vida sivíl ona dezde hatama karta reforma ba Governu.
“Ami hare Jenerál Lere iha uma vida de’it ona nia la ba servisu dezde momentu nia hatama karta ba Governu. Maski desizaun seidauk sai moos nia la bá ona servisu. Iha momentu aniversáriu Polísia Militár nian ne’e kedas loraik fila mai uma la bá kedas servisu”, konta viziñu Jenerál Lere nian ne’e hodi hatutan.
Ami hare karreta tula hotu ona ninia sasán servisu nian iha Kuartél Jerál Fatuhada ne’e mai hotu ona uma, dezde nia hatama karta ne’e.(Lee notísia seluk iha Jornál Timor Post/Asesu You Tube Timor Post)
932 total views, 3 views today
Bele hare Video Seluk :
Subscribe to Timorpost
