ADVERTISEMENT

Ezonera Jeneral Lere, Falur Lidera F-FDTL

Timor Post - Dili
  • Share
Ministru Prezidensiál Konsellu Ministru, Fidelis Leite Magalhaes, halo konferensia imprensa, hafoin remata reuniaun Konsellu Ministru, Palásiu Governu, sesta (21/01). (Foto Timor Post/Jaime Pires)

(Reportajen Jaime Pires/Editora Suzana Cardoso)

DILI (Timor Post)   Reuniaun Konsellu Ministru extraordinariu ne’ebé mak realiza iha Palásiu Governu rezulta, Ezonera Xefe Estadu Maior Jeneral Falintil-Forsa Defeza Timor-Leste (F-FDTL), Lere Annan Timor no nomeia Falur Ratelaek ba lidera fali F-FDTL.

ADVERTISEMENT
SCROLL FILA BA NOTISIA


Ministru Prezidensiál Konsellu Ministru, Fidelis Manuel Leite Magalhaes ba Jornalista iha Palásiu Governu hafoin remata reuniaun Konsellu Ministru, Sesta (21/01/2022) esplika, hafoin rona aprezentadaun husi Ministru Defeza, Filomeno Paixão de Jesus maka hamutuk tetu no foti desizaun.

Lee Mós :
Observadór CPLP Kongratula TL Tanba Hala'o Eleisaun ho Kredivel no Transparente

“Ohin Konsellu Ministru aprova nomeasaun no ezonerasuan ba xefe estadu Maior Jeneral Forsa Armada no Vise Xefe Estadu Maior Jeneral Forsa Armada,” dehan Fidelis.

Katak Fidelis, Konsellu Ministru aprova proposta ida ba ezonerasuan Jeneral Lere Anan Timur hanensan Xefe Estadu Maior Jeneral Forsa Defeza Timor-Leste. Nune’e konsellu Ministru mós aprova proposta subtituisaun, hodi nomeia Jeneral Falur Ratelaek ba fali Xefe Estadu Maior Jeneral Forsa Armada nian.

Lee Mós :
CVTL Selebra Loron Mundial Cruz Vermella Ba Dala 160

Hafoin nomeasaun ne’e Konsellu Ministru mos halo kedas promosaun Falur Ratelaek ba Tenente Jeneral ‘Fitun tolu’ no mós Calisto Dos Santos ‘Coliati’ ba Jeneral  ‘fitun rua’ hodi asumi fali Vise-Xefe estadu Maior Jeneral Forsa Armada nian. No reitera fila fali, Xefe Estadu Maior F-FDTL kontinua nafatin Comudoro Pedro Clamar Fuik. (Lee notisia seluk iha Jornal Timor Post/Asesu You Tube Timor Post)

 896 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Ezonera Jeneral Lere, Falur Lidera F-FDTL” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No