ADVERTISEMENT

Hakarak ba Prezidente Repúblika, Lere Tuir Loos Banati Tuir Xanana ho Taur

  • Share
Xefe Estadu Maior Jeneral F-FDTL, Tenente Jeneral Lere Anan Timur

Jornalista Jaime Pires / Editór Noémio Falcão

Dili (Timor Post)—Xefe Estadu Maior Jeneral F-FDTL, Tenente Jeneral Lere Anan Timur tuir loos banati tuir Xanana Gusmão ho Taur Matan Ruak bainhira deklara kandidata-an ba Prezidente Repúblika, halo uluk rejignasaun.

ADVERTISEMENT
SCROLL FILA BA NOTISIA


“Iha konstitusaun no lei defeza nasionál ne’e rasik ko’alia katak militár sira labele halo deklarasaun ho intensaun polítika ruma ba públiku tanba ne’e proividu,” Diretór Interinu Fundasaun Mahein (FM), Sancho Xavier subliña kestaun ne’e relasiona ho deklarasaun husi Lere durante ne’e ba públiku nia intensaun kandidatu ba Prezidente Repúblika periodu 2022-2027.

Lee Mós :
Município de Baucau com stock insuficiente de arroz

Sancho hatutan, loloos ne’e kuandu militár ida  atu deklara ba públiku, rezigna-an antes tuir prosesu normál no formál ne’ebé akontese hanesan kazu sira iha periodu anterior nian hatudu husi Xanana Gusmão no Taur Matan Ruak.

“Sim ita hotu akompaña iha média no diskusaun públiku ko’alia liu kona-ba kandidata Lere ba PR, ita hotu akompaña iha ona prosesu balun,no dalabarak ona nia deklara kandidata-an ba PR,” Sancho ba Timor Post iha nia kna’ar fatin, Bairru dos Grilos, Kinta (13/01/2022).

Sancho hatete, Lere tenke rejigna-an antes atu fó tempu ba governu atu prepara fali líder foun ba instituisaun defeza nasionál ne’e.

Lee Mós :
UNTL Lansa Kursu Mestradu Iha Área Edukasaun, Hahú Ho Estudante 33

“Ne’e mak ita husu Lere hatama ona nia karta formál ruma? atu bele husu nia sai husi militár ne’e, tanba ne’e regra formál tenke hatama uluk karta para ita halo deklarasaun ne’e,” Sanscho hatutan tan.

Durante ne’e ema hotu akompaña situasaun iha instituisaun F-FDTL sira kaer ukun ne’e mai husi luta Ai-Laran nian, entaun ne’e prosesu aplikasaun lei no regra sira seidauk la’o loloos.

“Tanba ne’e mak kestaun sira hanesan ne’e mós nia sei fo implikasaun ba dezenvolvimentu sira iha Institutuisaun defeza, liuliu iha Institutuisaun militár nia laran, liga ho susesaun lideransa nia iha institutuisaun nian,” Sanscho preokupa.

Lee Mós :
Proposta OR Sei Kontribui Hamenus Inflasaun

Tinan hirak liu ba liga ho nomeasaun no ezonerasaun ne’e rasik dalaruma hamosu polémika entre governo no prezidente repúblika, tanba sira la konsege prepara prosesa ne’e tuir lei ne’ebé mak iha.

Tanba ne’e, nia dehan, haree iha kargu sira ba xefe estadu maior jenerál forsa armada ninian, bainhira halo susesaun ka nomeasaun ou ezonerasaun ne’e, pelumenus iha fulan tolu antes, tuir estatutu militár artigu-90.

 943 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Hakarak ba Prezidente Repúblika, Lere Tuir Loos…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No