ADVERTISEMENT

Partidu Demokrátiku Defende Eleisaun Prezidensiál Maske iha Pandemia COVID-19

  • Share
Imajen ne’e hatudu Prezidente Partidu Demokrátiku, Mariano ‘Assanami’ Sabino ho delegasaun ko’alia iha konferénsia imprensa hafoin reuniaun ho Prezidente Repúblika Francisco Guterres Lú Olo. Foto Mídia PR

Dili (Timor Post)— Prezidente Partidu Demokrátiku, Mariano ‘Assanami’ Sabino afirma, maske mundu inklui Timor Leste infrenta hela pandemia Covid-19, maibé estadu no nasaun tenke kumpre nafatin konstituisaun, tanba votus husi povu nian rezulta nasaun ida iha nia Prezidente Repúblika no Parlamentu Nasionál.

Assanami hatutan, sidadaun sira presiza kumpre konstituisaun, mantein valores demokrasia, prátika tuir dalan demokrasia nian. Tanba nia subliña, ukun ne’e povu nian tanba ne’e tenke fó tempu ba povu atu hili eleisaun ho livre ho regras hotu-hotu.

ADVERTISEMENT
SCROLL FILA BA NOTISIA


“Data (eleisaun) ne’e kompeténsia Prezidente nian. Ita kumpre de’it Prezidente deside. Prezidente deside tuir kompeténsia ne’ebé Konstituisaun fó ba nia.” Mariano ‘Assanami’ Sabino subliña iha komunikadu ne’ebé Timor Post assesu husi Palásiu Prezidensiál hafoin enkontru ho Prezidente Repúblika, Francisco Guterres Lú Olo, iha loron 06/01/2022 hodi rona partidu polítiku sira ho asentu iha Parlamentu Nasionál kona-ba markasaun data eleisoins prezidensiais, hahú ho Partidu Demokrátiku.

Lee Mós :
Xanana: Ha'u Konfunde Hó Lei LEO

Iha enkontru ne’e, Prezidente Partidu Demokrátiku, Mariano ‘Assanami’ Sabino hatete, Prezidente Repúblika nu’udar símbolu unidade nasionál no garante funsionamentu instituisoins demokrátikus tanba ne’e postura polítiku partidu nian mak sempre defende Prezidente Repúblika.

Partidu Demokrátiku sei implementa no halo tuir desizaun ne’ebé Prezidente Repúblika dekreta relasiona ho data eleisoins prezidensiais. Partidu Demokrátiku sei asegura desizaun husi Prezidente Repúblika no sai regularidade formál iha partidu nia laran.

Prezidente Repúblika apresia postura polítiku Partidu Demokrátiku nian ne’ebé hatudu tiha ona atu lori país ba oin ho sentidu pertense ba Povu no rai ida ne’e.

Entretantu tuir artigu 12 husi Lei númeru 7/2006, 28 dezembru, ho alterasoins susesivas ba Lei ne’e, tenke rona uluk Governu no partidus polítikus ho asentu iha Parlamentu Nasionál.

Iha 6-7 janeiru 2022, Prezidente Repúblika sei rona partidu polítiku sira ho asentu iha Parlamentu Nasionál atu hatene sira-nia hanoin kona-ba data eleisaun prezidensiál ne’ebé sei akontese, pelu menus, loron neen nulu, molok Prezidente atuál ramata ninia mandatu iha 20 maiu 2022.

Lee Mós :
Paróquia de Motael apoiará comunidade e estudantes residentes em casas arrendadas

Prezidente Repúblika, iha loron 6 janeiru, sei hala’o enkontru ho Partidu Demokrátiku (PD), Partidu da Libertação Popular (PLP), Frente Mudança (FM), Frente Revolucionária de Timor-Leste Independente (FRETILIN). Aban, 7 janeiru, sei hala’o reuniaun ho Partidu Unidade Dezenvolvimentu Demokrátiku (PUDD), Congresso Nacional para a Reconstrução de Timor-Leste (CNRT), Kmanek Haburas Unidade Nasional Timoroan (KHUNTO) no União Democrática Timorense (UDT).

Molok halo enkontru ho líderes partidus polítikus sira-nian, Prezidente Repúblika rona tiha ona Governu, liuhusi Primeiru-Ministru, Jeneral Taur Matan Ruak no Ministru Administrasaun Estatal Miguel Carvalho.

Prezidente Repúblika rona mós Comissão Nacional de Eleições (CNE) no Secretariado Técnico de Administração Eleitoral (STAE) kona-ba preparativus ba eleisaun prezidensiál 2022.

Ba eleisaun prezidensiál tinan ne’e, númeru sentru votasaun no estasaun votu sei aumenta iha territóriu Timor-Leste tomak. Ba eleisaun antesipada 2018, iha sentru votasaun 885. Ba eleisaun prezidensiál 2022, sentru votasaun sei aumenta ba 1200. Númeru estasaun votu sei aumenta husi 1260 (iha 2018) ba 1500, iha tinan 2022.

Lee Mós :
Cedelizia: “Loron 18-19 Maiu 2020, Tempu Arão Noé Nian”

Hasa’e númeru sentru votasaun no estasaun votu permite hakbesik liután fatin votasaun ba eleitór sira no nune’e, maioria ho otas 17 ka liu, ne’ebé rejista iha STAE, bele ezerse sira-nia direitu atu hili Prezidente Repúblika ba mandatu 2022-2027. Nune’e, taxa partisipasaun eleitór sei sa’e iha eleisaun tuir mai.

Ho númeru sentru no estasaun barak liu, númeru votante iha fatin ida-idak sei menus. Tanba buka hamenus númeru eleitór halibur iha fatin ida, Governu Timor-Leste foti medida di’ak ida atu proteje mós ita nia ema husi vírus moras Covid-19 nian, ne’ebé sei la’o nafatin iha mundu, ho variante oioin. (cao)

 653 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Partidu Demokrátiku Defende Eleisaun Prezidensi…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No