ADVERTISEMENT

Ministru Cárceres La Rekoñese Akordu ho Pelican Paradise, “Vise-Ministru no Sekretáriu Estadu Laiha Kompeténsia”

  • Share
Ministru Justisa Manuel Cárceres

Jornalista Jaime Pires / Editór Noémio Falcão

Dili (Timor Post)—Ministru Justisa Manuel Cárceres la rekoñese akordu ne’ebé nia Vise José Edmindo Caetano assina ho Pelican Paradise Timor Leste ne’ebé mak realiza iha Novu Turizmu, Segunda (03/01/2021).

ADVERTISEMENT
SCROLL FILA BA NOTISIA


Ba Jornalista sira iha Palásiu Governu, Kuarta (05/01/2022), Cárceres hatete, la konkorda ho akordu ne’e bazeia ba akordu antes iha tinan 2010 katak hahú tinan 2017 Pelican Paradise tenke selu ona rai aten ba governu maibé to’o agora seidauk.

Lee Mós :
Polísia Deporta Sidadaun Indonézia Ida Klandestinamente Subar iha Kuarentena Farol Dili

Entretantu akordu ne’ebé Vise Ministru asina dadauk ne’e arrendamentu fali rai ho totál éktare 556 iha Tasi Tolu, Dili ba investimentu Pelican Paradise.

Ministru Cárceres mos dehan, tuir loos nia mak tenke asina akordu ho investór sira la’ós vise ministru ka sekretáriu estadu.

Imajen ne’e hatudu Vise-Ministru Justisa Edmundo Caetano, Ministru Koordenador Asuntu Ekonómiku, Joaquim Amaral no akompaña husi Ministru Prezidénsia Konsellu Ministru, Fidelis Leite Magalhães akompana asina akordu ho Pelican Paradisse iha Hotel Novo Turismo.

“Kontratu ba arrendamentu ne’e só ministru de’it mak bele assina ne’e tuir lei, ne’ebé  la partisipa iha serimónia assina akordu ne’e tanba lei, lei haruka ita la’o, lei mós haruka ita para,” Cárceres subliña.

Lee Mós :
Domingos Antunes: Setor florestal tem valor económico

“Ne’ebé kona-ba ida ne’e loron rua ka tolu tan ha’u fó solusaun ba Primeiru Ministru, tanba tuir akordu iha tinan 2010 katak hahú husi tinan 2017 Pelican Paradisse tenke selu ona rai aten ba governu maibé zero sira la selu,” dehan Cárceres.

“Ha’u la bá partisipa iha assina akordu no la assina tanba ha’u la konkorda ho parte balun husi saida mak hakerek iha akordu ne’e rasik, iha parte barak loos,” Nia deklara.

Lee Mós :
Bolseiros timorenses que estudavam em Wuhan regressam a Timor-Leste

Nia hatutan, vise-ministru asina akordu ne’e la reprezentante nia, tanba tuir orgánika governu daualuk nian la permite vise-ministru no sekretáriu estadu toma medida ida ne’e.

“Laiha kordenasaun depois ba assina tanba hahú husi loron 03/01 ne’e ha’u tuur iha ha’u nia Gabinete to’o tuku lima lorokraik,” Cárceres dehan tan.

 893 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Ministru Cárceres La Rekoñese Akordu ho Pelican…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No