ADVERTISEMENT

Governu Organiza Ritual ba Harii Sidade Universitáriu iha Aileu, Lia-Nain Siik Dezafiu iha Prosesu Konstrusaun

  • Share
Serimónia Ritual ba sidade Universitariu Aileu. Iha imajen ne'e Ministru Ensinu Superior Siénsia no Kultura, Longuinhos dos Santos ho dirijente hamutuk ho Lia na'in sira. Foto TP/ José Mauno.

Jornalista José Mauno / Editór Noémio Falcão

Aileu (Timor Post)—Governu liuhusi Ministériu Ensinu Superior Siénsia no Kultura (MESSK), Segunda (20/12/2021) halibur Lia-Nain sira halo ritual nu’udar faze dahuluk ba hala’o lansamentu fatuk dahuluk ba sidade universitáriu iha Munisípiu Aileu.

ADVERTISEMENT
SCROLL FILA BA NOTISIA


Iha serimónia ritual ne’e lia-nain sira ko’a animal hatudu sinál ladun di’ak iha talin no aten, maibé lia-nain sira fó signifikadu katak sinal ne’e hatudu momos iha duni komunidade balun ne’ebé hela iha área ne’eba ladun koopera.

Lee Mós :
SNFPE Bekora Produs Ona Formandu Na'in-4507

Ministru Longuinhos Dos Santos haktuir, husi rejultadu ritual ne’e nia parte kontinua halo aprosimasaun ho komunidade sira hotu atu oinsá governu nafatin hala’o dezenvolvimentu iha nasaun.

Rai ne’ebé maka atu halo konstrusaun ba sidade universitáriu iha Aileu éktare 24. Komunidade afetadu hamutuk 108 kompostu husi uma ka’in-79 konkorda no pagamentu hotu ona, uma ka’in 29 mak la konkorda seidauk halo pagamentu indiminizasaun.

Governu iha komitementu atu hala’o dezenvolvimentu ba timoroan hotu-hotu tuir programa governu daualu nian tenke aselera ba oin.

Lee Mós :
Estrada Iha Dili, Area Balu Sei Kontinua Kuak

“Mezmu iha ita nia kultura hatudu buat balu ladún di’ak maibé la signifika katak ladi’ak para labele harii sidade Universitariu Aileu la’e, maibé hatudu  balun mak la kopera hamutuk ho governu,” Ministru Longuinhos hatete.

“Komunidade uma ka’in 29 maka la konkorda atu bele halo indiminizasaun maibé ita iha mekanizmu ida asegura nafatin sirs nia direitu ikus liu maka prosesu liu husi justisa,” nia hateten.

Lia na’in husi lisan Raimansu, José da Costa hatete, naan urat ne’ebé maka haree husi manu no fahi katak buat hotu la’o loos maibé iha sikun uitoan hatudu katak lian seidauk hanesan tanba balu konkorda balu la konkorda. Maske nune’e, José subliña, ba oin sei la’o di’ak.

Lee Mós :
ME-KO 25 Diskute Kurríkulu Istória Timor

“Ami hanesan Lia na’in kontente tebe-tebes tanba aban bainrua oan sira sei la la’o dook ba munisípiu seluk maibé uza oportunidade iha Aileu,” nia kontente.

 1,546 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Governu Organiza Ritual ba Harii Sidade Univers…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No