ADVERTISEMENT

Lere Reforma husi F-FDTL no Kandidatu ba Prezidente Repúblika, “Membru Komite Sentrál FRETILIN”

  • Share
Tenente Jeneral Lere Anan Timur

Jornalista Jaime Pires / Editór Noémio Falcão

Dili (Timor Post)— “Tempu besik ha’u sei la komanda ona F-FDTL, tanba ha’u idade to’o 70, entaun  tempu ona atu ha’u reforma,” Xefe Estadu Maior Jeneral FALINTIL-Forsa Defeza Timor Leste (F-FDTL), Tenente Jeneral Lere Anan Timur.

ADVERTISEMENT
SCROLL FILA BA NOTISIA

Iha diskursu ba militar foun sira iha Komponente Formasaun, Metinaro, Dili, Kuarta (15/12/2021), Lere hatete, nia sei foti desizaun ne’e tanba konsiente katak instituisaun F-FDTL la’ós ema maka nia de’it.

“Instituisaun ne’e la’ós ema ida de’it ninian, maibé ema hotu ninia, entaun to’o nia tempu fó fali ba ema seluk hodi bele lidera fali,” Lere subliña.

Lee Mós:
COVID-19: Médiku Espesialista Timoroan Na’in-15 iha Kuba Hakarak Fila Ona Hodi fó Asisténsia Saúde ba Povu

Nia dehan, estatutu F-FDTL nian fó dalan to’o de’it idade-60 reforma ona idade-55 ne’e forsa rezeva hodi to’o tinan lima hein ninia revolve.

“Ha’u sai husi F-FDTL mós ha’u nia dever mak rua ne’e nafatin, servi estadu servi ha’u nia família, ida ne’e de’it mak ha’u nia dever no obrigasaun,” Lere hatutan.

Entretantu kona-ba nia kandidatura ba prezidente repúblika periodu 2022-2027, Lere dehan, ne’e dala ruma de’it, tanba ida ne’e mós hanesan direitu ida ba kualker sidadaun ida.

Lee Mós:
Prezu Na’in 10 Iha Suai Lakon Direitu Votu

“Tanba ha’u mós la’ós kualker sidadaun baibain, ha’u veteranus-24 anos, membru komite sentrál FRETILIN, ha’u komanda milatar durante tinan-24 mai ukun-an mai Komandu tan Forsa F-FDTL durante tinan-20 tan, entaun ha’u nia kontribuisaun ba povu no estadu mak ne’e,” Nia dehan.

Nia hatutan, kandidatu ba prezidete repúblika ne’e direitu ema ida-idak ninia, maibé hanesan seidaun iha dever atu kontribui ba estadu no rai ida ne’e, la’ós sai Prezidente Repúblika ka Ministru de’it mak bele kontribui.

Lee Mós:
CNE Seidauk Simu Lista Partidu Foun

“Karik ha’u mak kandidatu ha’u nia-an ba Prezidete Repúblika mós povu mak determina, karik povu hili ha’u sai hanesan sira nia aman ba nasaun ha’u prontu simu de’it, sé povu lakohi ita labele obriga-an ba iha ne’ebá, tanba ida ne’e demokrasia,” Nia hakotu.

 662 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Lere Reforma husi F-FDTL no Kandidatu ba Prezid…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: