Jornalista Jaime Pires / Editór Noémio Falcão
Dili (Timor Post)—Polísia Nasionál Timor-Leste (PNTL), liuhusi Polísia Nasionál Servisu Investigasaun Kriminal (PNSIK) ezekuta mandadu Tribunál Munisipál Dili ho númeru Nuc 22/21. PGGCC, detein ema na’in-8 no prende sasan tanba komete krime naok (furto agravado).
Deskonfia suspeitu sira naok matebian eis membru governu ida nia riku soin ho meius oioin, ikus mai matebian nia feen deskobre no halo keixa ba autoridade polísia.
Polísia kaptura ema hirak ne’e iha ida-idak nia uma iha Bekora, Mandarin, Delta-II, Surikmas no Tasi-Tolu.
Observasaun Timor Post iha terrenu haktuir, derepente de’it polísia to’o iha fatin tau kedas aljema (borgol) ba suspeitu sira nia liman, prende sasan sira inkui karreta, motorizada, konta bankaria no dada fita polísia ba uma.
Suspeitu hirak ne’e na’in-neen feen ho laen no seluk sei klosan.
Polísia lori kedas suspeitu sira ba detein iha sela durante oras72 hodi submete ba interogatóriu dahuluk iha tribunál.
Suspeitu hirak ne’e ho naran inisiál mak hanesan, GADS, AVR, RJC, OVR, TSX, MDFA, OCX no DAJL.
342 total views, 3 views today
