RKATL Desidi Harii Sentru Mídia, Haforsa Setór Agrikultura no Promove Ekonomia

Jornalista Estajiáriu Mariano Do Santos / Editór Noémio Falcão

Dili (Timor Post)—Rede Koligasaun Agrikutura Timor-Leste (RKATL) halo ona desizaun harii sentru mídia iha Sekretariadu Rede Hasatil, iha Farol-Dili. Objetivu husi inisiativa ne’e haforsa setór agrikultura no promove ekonomia iha Timor Leste.

SCROLL FILA BA NOTISIA

RKSTL mak rede involve sosiedade sivíl inklui agrikultór, grupu ema ho defisiénsia, setór privadu, grupu feto iha agrilkultura, organizasaun juventude, LGBT, grupu kooperativa, movimentu sosial, no grupu sira seluk ne’ebé iha interese atu dezenvolve setór agrikultura no promove ekonomia diversifikadu ne’ebé sustentável no inkluzivu iha Timor-Leste.

Lee Mós :

Adriano do Nascimento Tabik ho bankada Sira Apoiu Governu TMR iha Votasaun ba Pedidu Urjénsia Alterasaun LOJF

Tuir planu, RKATL sei hahú hala’o servisu boot monitoriza, akompaña no halo advokasia ba diskusaun sira kona-ba proposta Orsamentu Jerál Estadu tinan 2022. Sentru ida ne’e sei fasilita espasu ba ema no organizasaun oi-oin, atu fo sira nia hanoin no akompaña prosesu debate sira OJE tinan 2022 nian iha Parlamentu Nasionál.

Porta-voz RKATL, Herminia de Jesus Pinto liuhusi konferénsia imprensa iha Sede Hasatil, Kinta (25/11/2021) subliña, Parlamentu Nasional no Goveru tenke halo debate ho kle’an, matenek ho kuidadu, hodi konsidera situasaun real ne’ebé agora daudaun Timor-Leste hasoru.

Lee Mós :

Polísia Lori ona Richard Dasbackh ho Joven Ida husi Oekusi ba Prizaun Bekora

Herminia hatete, despeza estadu ne’ebé la sustentável no la realistiku sei fó risku boot ba sustentabilidade rezerva fundu petroliferu no finansas públiku iha futuru bainhira Timor Leste laiha ona reseita husi kampu mina no gas.

“Realidade públiku hatene katak, fundu petroliferu sei hotu iha tempu besik, tanba ne’e Governu tenke investe agora iha setór agrikultura no setór produtivu seluk hodi diversifika ekonumia nasionál,” Herminia hatutan.

Sentru midia ne’e sei kontinua realiza konferénsie imprensa, programa TV Talk Show prepara esteatmentu konjunta no diskusaun nakloke ho jornalista sira kona-ba debate Proposta OJE tinan 2022 no atividade importante seluk tan.

Lee Mós :

FRETILIN: Atu Responde Nesessidade Povu, Governu Presiza Estudu Peskiza

Sentru midia ne’e sei funsiona husi inísiu diskusun Proposta OJE tinan 2022, iha fula Dezembru tinan ne’e, no sei kontinua monmtoriza ezekusaun Orsamentu Jerál Estaitu ne’ebe hetan aprovasaun duni Parlamentu Nasional no promuilga husi Prezidente Repúblika.

874 total views, 3 views today

Oinsa Ita nia Reaksaun iha Notisia Nee?