Jornalista Jaime Pires / Noémio Falcão
Dili (Timor Post)—Governu liuhusi Ministériu Justisa haruka tiha ona lista indultu ba Prezidente Repúblka Francisco Guterres Lú Olo.
Ministru Justisa Manuél Cárceres la temi total prizioneiru hira mak naran tama iha lista, rekomendasaun ba prezidente repúblika atu fó liberdade no hatún tinan prizaun ba prizioneiru sira iha Bekora no Gleno, iha selebrasaun loron proklamasaun independénsia RDTL ba-dala-46.
“Prosesu ami submete hotu ona ba prezidete repúblika, agora hein prezidete repúblika nia desizaun, maibé ema totál na’in-hira ha’u la lembra,” Cárceres ba Timor Post iha Palásiu Governu, Dili, Sesta (19/11/2021).
Nia dehan, iha prosesu lubun ida ne’ebé mak haruka ona ba prezidete repúblika hodi tetu, tanba iha artigu 85 alina I fó kompeténsia ba prezidete repúblika mak bele fó indultu.
Tanba loron ne’ebé mak atu fó indultu mak loron rua ne’e de’it, ida mak Loron 20 Maio Restaurasaun Independénsia no ida mak 28 de Novembru loron Proklamasaun Independénsia.
681 total views, 9 views today
