Jornalista Jaime Pires / Editór Noémio Falcão
DILI (Timor Post)—Programa Nasionál Dezenvolvimentu Suku (PNDS) konstroi ona uma ba komunidade kbiit laek iha territóriu hamutuk 1254 (rihun ida atus rua lima nulu resin haat).
“Ita harii ona uma purvolta 1254 ba iha suku 424 sukus iha timor laran tomak ita halo ona,” Diretora Nasionál PNDS, Claudina Soares Pinto ba Jornalista sira hafoin enkontru ho Primeiru Ministru, Taur Matan Ruak iha Rezidensia Farol, Dili, Segunda (08/11/2021).
Diretora Claudina esplika, sorumutu ho primeiru ministru atualiza progresu servisu PNDS nian hahú husi tinan 2020, 2021 no planu ba tinan 2022.
Nia hatuir, husi total uma ne’ebé PNDS liuhusi kompañia lokal sira iha periodu ikus ne’e implementasaun atinji ona pursentu 55.
“Uma hamutuk 62 (pursentu) ne’e mós ita dadaun ne’e kontinua servisu la’o hela, no nia prosesu balun besik hotu tan ona, kuandu hotu ita atije ona pursentu 100,” Diretora Claudina subliña.
733 total views, 3 views today
Bele hare Video Seluk :