KAK Resposta Ezijénsia Kaptura Membru Governu Na’in-7 no Análiza Keixa FONGTIL

Jornalista Jaime Pires / Editór Noémio Falcão

DILI (Timor Post)— Komisáriu Komisaun Antí Korrupsaun (KAK), Sérgio Hornai akompaña husi nia adjuntu simu offisialemte keixa husi Forum Organizasaun Naun Governamental Timor Leste (FONGTIL) kona-ba Timor Leste nia partisipasaun iha Expo Dubai konsideradu fó prezuizu ba nasaun.

SCROLL FILA BA NOTISIA

Keixa FONGTIL nian ho baze lei no regulamentu sira husu ba KAK atu halo investigasaun ba autoridade sira organiza preparasaun no ezekusaun orsamentu orsamentu ne’ebé mai hosi Orsamentu Jerál Estadu tinan fiskal 2021 ho total millaun $2,1 inklui apoiu internasionál, ba eventu ne’e hahú kedas iha rai laran no iha rai liur no gastus ba delegasaun Timor Leste nian ema hamutuk na’in-134.

Relasiona ho ezijénsia FONGTIL ne’ebé liuhusi entrevista ho Jornalista sira husu atu KAK tuir kompeténsia halo kapturasaun ba membru governu na’in-7 ne’ebé inklui mos iha delegasaun, Komisáriu KAK, Sérgio Hornai tetu hela kona-ba natureza kazu ne’e.

“Ami sei halo análiza ida ne’ebé mak klean hodi halo ninia sekuensia sira tuir ninia marsa prosesual sira ne’ebé mak tuir ona ita nia lei sira haruka,” Sérgio Hornai subliña ba Jornalista sira hafoin simu keixa FONGTIL iha loron 21/10/2021, iha edefísiu KAK, Farol, Dili.

Lee Mós :

Julgamentu Kazu Pedofilia Kontinua Aban, Xanana ho Eis Padre Amerikanu Fahe Malu Hafoin Sai husi Tribunal Oekusi

Nia hatutan, kona-ba kapturasaun bainhira natureza sira reuni preinxe rekejitu ne’ebé mak lei hatete, autoridade sira ne’ebé mak kompete sei ezerse nia funsaun hodi halo medidas.

Entretantu FONGTIL lideradu Diretór Ezekutivu, Daniel Santos do Carmo ho membru no rede servisu sira, Kinta (21/10/2021), offisialmente hato’o keixa ba KAK no hafoin ne’e ba Jornalista sira afirma, KAK mak hanesan polísia espesial ba korupsaun tenke toma medidas.

“Ami nia ezijénsia ba KAK mak ne’e, karik membru governu na’in-7 no delegasaun sira ne’e to’o iha Timor-Leste, Komisaun Anti Korupsaun bele halo kapturasaun hodi prosesu sira tuir padraun legal ne’ebé mak komisaun Anti Korupsaun iha,” Daniel subliña.

Kona-ba delegasaun, tuir dadus ne’ebé Timor Post asesu, delegasaun Timor Leste ba Dubai hamutuk 134 inklui membru governu na’in-7.

Husi total delegasaun ne’e, na’in-14 hahú aranka ba Dubai iha loron 13 setembru 2021 hodi halo preparasaun ba fatin expozisaun Timor Leste nian, no na’in-120 aranka sai husi Dili iha loron 14 outubru 2021.

Lee Mós :

Delegasaun Poder, Armanda Berta Lidera Asstuntu Edukasaun-Saúde no Sosiál

Delegasaun hirak ne’e hela iha Dubai durante fulan-ida-semana ida. Tuir planu, delegasaun Timor Leste fila mai Dili iha loron 21 outubru 2021.

Delegasaun Timor Leste lidera husi Komisáriu Jerál Autoridade Expo Dubai-Timor Leste, Manuél Vong.

Membru governu na’in-7 ne’ebé partisipa mós iha eventu ne’e inklui Ministru Koordenadór Asuntu Ekonómiku (MKAE), Joaquim Amaral, Ministru Petróleum no Minerais (MPM), Víctor da Conceição Soares, Ministru Transportes no Komunikasaun (MTK), José Agostinho da Silva, Ministru Agrikultura no Peska (MAP), Pedro dos Reis, Ministru Turízmu Komérsiu no Indústria (MTKI), José Lucas do Carmo da Silva, Vise Ministru Negósiu Estranjeiru no Kooperasaun (MNEK), Juliăo da Silva no Vise Ministru Turizmu Komérsiu no Indústria (MTKI), Domingos Lopes Antunes.

Expozisaun ne’ebé hala’o ona iha loron 01 fulan Outubru 2021 to’o 31 Marsu 2022 ne’e, Timor Leste aprejenta produtu liu 50 kompostu hosi produtu agríkola, artezanatu, minerál no tais.

Nasaun hamutuk 192 mak partisipa iha expozisaun ne’e.

Maske nune’e, antes ne’e mosu pro no kontra iha rai laran. Balun kontra la aseita partisipasaun Timor Leste iha eventu ne’e tanba presiza hadia uluk produsaun rai laran mak lakon osan boot ba halo promosaun iha rai liur.

Lee Mós :

EDTL.EP Aprova Kódigu Konduta, Reseita Janéiru to'o Outubru Millaun $43 Resin

Maske nune’e, governu defende katak expozisaun ne’e oportunidade di’ak ba Timor Leste.

Iha loron 10 fulan-juñu tinan 2021, Primeiru-Ministru Taur Matan Ruak, afirma, partisipasaun Timor-Leste nian iha Expo Dubai 2021 ne’e, preparasaun mai kedas iha tinan 2018, tanba ne’e la iha razaun atu kansela derrepente, hodi defende katak, partisipasaun Timor-Leste nian iha Expo ne’e, nu’udar oportunidade projeta Timor-Leste nia poténsia ba País sira iha Médiu Oriente.

Liután Xefe Governu hatete, Timor-Leste país ki’ik, nasaun barak iha Osidental, hanesan Europa, Áfrika no Mediu Oriente la hatene Timor ne’e hela iha ne’ebé, tanba ne’e ho momentu sira hanesan ne’e (Expo Dubai) bele ajuda Timor-Leste promove nia identidade, nasionalidade no poténsia sira ne’ebé Timor-Leste iha.

Expo Dubai iha Uniaun Emiradus Árabe ne’e, loloos realiza iha tinan 2020, maibé tanba pandemia COVID-19 nune’e adi’a fali mai iha tinan 2021.

563 total views, 6 views today

Oinsa Ita nia Reaksaun iha Notisia Nee?