Jornalista Jaime Pires / Editór Noémio Falcão
DILI (Timor Post)—Organizasaun Naun Governamental (ONG) Fundasaun Mahein (FM) rejista pontu fraku husi Polísia Nasionál Timor Leste (PNTL). Instituisaun seguransa nasionál ne’e konsideradu fraku iha formasaun kontinuasaun.
Koordenadór no Peskizador Fundasaun Mahein, Sancho Xavier hatete, kauza husi kestaun iha leten maka membru polísia barak kontinua komere krime.
“Tuir ami nia haree, PNTL barak komete krime tanba ita sei menus formasaun, hahú husi formasaun báziku ba to’o kadetaa no ba tan iha sentru formasaun, maibé formasaun tuir mai ne’e sei menus,” Sancho subliña ba jornalista sira iha no servisu fatin Bairru Grillus, Segunda (11/10/2021).
Nia dehan, importánsia husi formasaun kontinuasaun ba membru sira maka hotu-hotu bele sensivel ba lei no órden komandu.
“Sira (membru PNTL) dala ruma sira aplika sala lei no órden ne’ebé mak iha, tanba sira nia koñesementu menus ba ida ne’e,” Sancho hatutan.
Filozofia PNTL nian obrigatoriamente membru sira tenke hatene didi’ak no kompriende karater instituisaun ne’e nian maka polisiamentu komunitáriu.
Entaun ba halo atuasaun tenke ba ho karakter ida polisiamentu komunitária, la’ós ba fali ho fíziku.
1,073 total views, 3 views today
Bele hare Video Seluk :
Subscribe to Timorpost
