ADVERTISEMENT

Ustad Mohamad Nico husu Governu Tetu Hikas Polítika fo Subsídiu ba FP

  • Share
Palásiu Governu

DILI (Timor Post)—Hafoin governu aprova kona-ba subsidiu alimentar no osan transporte ba Funsiunáriu Públiku (FP), situasaun ne’e hamosu pro-kontra iha públiku no ho subsídiu ida ne’e sei fo afeta ba iha povu ki’ik sira.

Konsellu Superior Masjid Bairru Pité, Ustad Mohamad Nico, konsidera polítika governu atu fó subsídiu alimentar ba funsionáriu públiku, ne’e governu kontinua hasusar povu ki’ik sira tanba sira laiha vensimentu mensal hodi sustenta sira nia moris.

ADVERTISEMENT
SCROLL FILA BA NOTISIA

“Governu presiza haree didiak, ita haree uluk populasaun sira ne’ebé terus hela, komesa husi tanggal 04 Abríl to’o ohin loron seidauk atende, balu sei hamlaha,” nia hato’o preokupasaun ne’e bainhira dada lia ho Timor Post, iha Bairru-Pite, Sábadu (25/09).

Lee Mós:
PNTL Kaptura Tan Ona Membru PSHT 24

Nia konkorda kuandu hetan reasaun pro-kontra husi parte hotu inklui sosiedade sivil, tanba politika ida ne’e sei fo benefisiu deit ba FP, laos povu tomak.

“Ita haree ninia benefísiu ne’e ba se, kuandu ida ne’e la benefísia povu, entaun ema tenke ko’alia, funsiunariu kada fulan hetan salariu, enkuantu povu kbiit laek sira kontinua terus,” nia kestiona.

“Ema balun, atu han agora de’it mós laiha, apalagi ba aban nian.”

Tuir nia, governu halo diskriminasaun, governu la trata ninia povu la ho justu, liu-liu povu kbiit laek sira la trata ho dignu.

Lee Mós:
Bankada CNRT Konsidera Aktu Deputada KHUNTO Ameasa Prinsípiu Pluralizmu

“Haree lai povu kbiit laek sira ne’e, sira ne’e mak estadu tenke tau matan no haree didi’ak, ita mate ho covid ne’e ema la dehan ita tanba ne’e moras mundiál, mais povu mate ho hamlaha, dignidade nasaun nian tau iha ne’ebé?, labele sai ukun ne’ebe la justu,” nia preokupa.

Entretantu, nia rekonese, katak ho subsidiu ida ne’e bele motiva komunidade, agrikultor sira bele badinas liu tan halo toos no natar, para bele aumenta kuantidade produsaun railaran.

Mais ba parte seluk, ema tenke haree programa governu nia atu sosa produtu lokál ne’e iha ka lae?, preparasaun iha ka lae, ne’e planu aban bainrua tinan liman ida foin iha karik, mais agora daudaun produtu sira ne’e iha ka lae?.

Lee Mós:
Ministra Adalgiza Promete halo Esforsu hodi Tula Fila Médiku Timoroan sira iha Kuba

“Governu aprova osan juta ba juta ba sosa produtu iha rai laran hodi fahe, ne’e halo ema hadau malu produtu, bele to’o baku malu tanba hadau malu sasán, nia folin mós bele sa’e, agora governu hanesan ne’e, nia hanoin katak produtu lokál la sufisiente,” nia katak. (61L)

 294 total views,  9 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Ustad Mohamad Nico husu Governu Tetu Hikas Polí…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: