DILI (Timor Post)-Hafoin ekipa Autoridade Inspesaun Fiskalizasaun Atividade Ekonomia Sanitaria Alimentar (AIFAESA) hala’o inspesaun ba loja ka komersiolizasaun sira ne’ebé fa’an osan mean, identifika laiha irregularidade.
“Iha inspesaun ne’e laiha iregularidade ruma ne’ebé hetan, husi loja osan mean sira ne’e,” informa Diretór Operasaun AIFAESA, Gabriel da Costa via telefone, Kinta (16/09).
Tanba ne’e, nia dehan, sei hala’o mós inspesaun ba iha munisípiu sira inklui mós iha kapitál Dili rasik. Munisípiu sia ne’e mak hanesan Baukau, Lautem, Vikeke, Bobonaru, Ainaru, Kovalima no seluk tan.
Entretantu, iha loron Tersa-feira (14/09) ne’e realiza inspesaun ba estabelesimentu ne’ebé komersializa osan-mean iha area Audian, Colmera no Kampung-Alor.
Portantu, inspesaun ne’ebé halo ba estebelesimentu hirak ne’e, ekipa uja ekipamentu hodi tetu pezu/grama husi osan-mean ne’ebé operador ekonomiku sira komersializa hanesan kadeli, brinku no seluk tan. Iha asaun ne’e, ekipa la deteta irregularidade ruma tanba kuaze ekipamentu ne’ebé estabelese, hirak ne’e uza tuir hela standarizasaun ne’ebé iha.
Nune’e estabelesimentu nian atu tau informasaun kona-ba pezu/grama husi osan mean ne’ebé iha atu nune’e bele fasilita komprador sira.(jho)
932 total views, 3 views today
Bele hare Video Seluk :
Subscribe to Timorpost
