ADVERTISEMENT

Prezidente Repúblika Promulga Alterasaun Dahuluk Estatutu IQTL, I.P

  • Share
Prezidente Repúblika, Francisco Guterres Lú Olo

DILI (Timor Post)—Prezidente Repúblika, Francisco Guterres Lú Olo, promulga alterasaun dahuluk ba Dekretu-Lei kona-ba Estatutu Instituto para a Qualidade de Timor-Leste, I.P. (IQTL).

Komunikadu ba imprensa husi Palásiu Prezidensiál Nicolau Lobato, Díli, 13 setembru 2021, haktuir, alterasaun dahuluk ba Dekretu-Lei nee halao ba kompozisaun orgaun sira no rekizitus neebé kesi IQTL, aumenta númeru membrus no konkretiza kompeténsias neebé pertense ba orgaun sira IQTL ninian. Halao mós harmonizasaun ekiparasaun ba kategorias titular kargu sira iha orgaun sira IQTL nian. Kláuzula Estatutu IQTL neebé sai parte integrante husi Dekretu-Lei neebé kria institutu nee mós sai sujeitu ba alterasoins.

ADVERTISEMENT
SCROLL FILA BA NOTISIA


Entre artigu sira neebé hetan alterasoins mak artigu 3 neebé dehan katak IQTL bele halao servisu territorialmente deskonsentradu. Ministru Turismu, Komérsiu no Indústria mak sei tutela no iha kompeténsia nomea no ezonera Konsellu Administrasaun no Konsellu Fiskal IQTL, I.P (iha kazu nomeasaun no ezonerasaun Konsellu Fiskal,  Ministru Finansas mak tenke propoin).

Lee Mós :
KAK Simu Relatóriu Implementasaun Sesta Bázika

Konsellu Administrasaun sei kompostu hosi prezidente ida, sekretáriu ida no vogais nain 3,nomeadu husi Ministru neebé tutela. Molok ida-nee, Konsellu Administrasaun kompostu hosi prezidente no vogais nain 2, nomeadu hosi Konsellu Ministrus, bazeadu ba proposta hosi Ministru tutela. Konsellu Fiskal sei kompostu hosi membru nain 3, nomeadu hosi Ministru tutela, bazeadu ba proposta hosi Ministru Finansas. Molok ida-nee, Konsellu Fiskal kompostu husi membru nain-rua, nomeadu husi Konsellu Ministrus (ida indikadu husi Ministru Finansas no ida seluk husi Ministru Turismu, Komérsiu no Indústria neebé tutela ba institutu públiku nee).

Lee Mós :
Klick Iha Ne’e, matadalan Asesu subsidiu Pulsa 5 USD

Iha ámbitu kompeténsias ninian, Konsellu Administrasaun mai ho kompeténsias foun, mak hanesan, propoin ba Ministru tutela aprovasaun mapa pesoal, elabora pareseres, informasoins neebé mak Ministru tutela solisita no ezerse poder disiplinar (artigu 9). Prezidente Konsellu Administrasaun iha kompeténsia foun, inklui define ordem traballu no reuniaun Konsellu Administrasaun nian no hatoo pareser ba Konsellu Fiskal (artigu 13).  Kompeténsia foun ba Konsellu Fiskal mak fó pareser kona-ba akizisaun, arrendamentu, alienasaun no onerasaun bens imóveis, fó nafatin informasaun ba Konsellu Administrasaun kona-ba rezultadu verifikasaun no ezames neebé mak halao no propoin ba Ministru tutela no ba Konsellu Administrasaun kona-ba promosaun auditoria esterna.

Lee Mós :
AIFAESA Deteta Empreza Manipula Folin Sasán Iha Natál

Instituto para a Qualidade de Timor-Leste, I.P sei organiza tuir departamentus haat: Departamentu Administrasaun, Departamentu Normalizasaun, Departamentu Metrolojia no Departamentu Kualifikasaun no Asuntus Internasionais. Dirijentes husi kada departamentu sei ekiparadu ho Xefe Departamentu. Molok alterasaun nee, dirijente sira-nee ekiparadu ho Diretores Nasionais.

Membrus Konsellu Administrasaun no Konsellu Fiskal ekiparadu ho Diretores Nasionais no Prezidente Konsellu Administrasaun deit mak ekiparadu ba Diretór-Jerál. (*/cao)

 1,622 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Prezidente Repúblika Promulga Alterasaun Dahulu…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No