Jornalista Jaime Pires / Editor Noemio Falcao
DILI (Timor Post)- Ministru Administrasun Estatal (MAE), Miguel Perreira de Carvalho hatete, resensiamentu eleitoral ba eleisaun Prezidensiál fulan Janeiru 2022 remata ona.
Ba jornalista sira iha Ministeriu Finansas Aitarak Laran Tersa (07/09) ne’e hafoin ba aprezenta orsamentu Ministeriu Adminisaun Estatal nian ba iha Komisaun Revizaun Orsamentu Polítika (KROP) remata.
“Preparasaun ba eleisaun prezidensiál 2022 nia agora la’o hela iha prosesu nia laran, no kalendáriu ne’ebé mak iha hahú agora ba to’o iha loron 15 Janeiru atualizasaun baze ba dadus no resensiamentu eleitoral”, dehan Nia.
Nia subliña, ba sidadaun sira ne’ebé mak hakarak resensia mak tama ona idade (16) bele hetan ona Kartaun Eleitoral no ba segundu rai ne’ebé mak hakarak atualiza sira nia eleitoral bele ba atualiza iha postu resensiamentu eleitoral iha postu administrativu sira.
Servisu preparativu seluk mak estadu tenke halo rekrutamentu ba brigada sira ne’ebé mak sei responsavel ba iha kuartu swntru votasaun sira.
“Tinan oin ita purvolta kria sentru votasaun hamutuk (1.200) sentru votasaun ho estasaun votasaun purvolta (1.500) hanesan ne’e”, tenik Nia.
Miguel hatutan, ida ne’e númeru ida ne’ebé mak naton tanba bele ajuda eleitor sira hodi ba vota, tanba iha pandemia Covid-19 ho situasaun sira hanesan ne’e bele prolo ga to’o iha tinan oin.
Tanba ne’e tenke kria estasaun votus no sentru votasaun barak liután atu evita aglomerasaun ba eleisaun. tanba ho númeru ida ohin temi ne’e purvolta (500) eleitores ba vota iha kada estasaun.
Atu nune’e hahú tuku hitu ba to’o tuku tolu lokraik ne’e, ema na’in (500) eleitores ba vota iha estasaun ida bele hotu ona.
1,244 total views, 3 views today
Bele hare Video Seluk :