(Reportájen Luis Casimiro/Editor Suzana Cardoso)
Manufahi (Timor Post) – Asu inan ida nia oan nurak iha maizu menus tuku 24:00 kalan boot derepente dada bebé feto ida tama uma laran hodi halo uma na’in hadau tiha bebe ne’e.
Akontesementu ne’e akontese iha loron Domingu (29/08) iha Bairru Kounaru, Aldeia Raelete, Suku Kaimauk, Postu Administrativu Turiskai, Munisipíu Manufahi.
Ba Timor Post liu husi telephone, Ofisial Polisia Suku (OPS) iha Suku Liu Rai, Postu Turiskai, Primeiru Sarjentu, Elias Quintão esplika, ema deskoñesidu soe bebe ne’e wainhira asu dada mai uma laran ho kondisaun mate tiha ona.
“Sin, bebe ne’e mate tiha ona. Bebe ne’e ninia isin asu han kanek iha parte kelen karuk. Iha isin lolon no liman karuk laiha tiha ona,” informa Sarjentu Elias.
Nia dehan, hafoin hadau mate isin hosi animal ne’ebé dada mai ne’e hamutuk ho
autoridade konsellu suku, xefe saúde no komunidade Bairru Kounaru lori bebe ne’e nia mate isin ba rai iha sentru saúde Postu Turiskai hodi hein prosesu ba oin.
“Ami sei buka tuir matebian ninia inan to’o hetan. Maibé husu mós ba familía ka inan aman ninia hosnestidade atu ajuda parte siguransa ho rekuñese aan. Aliende ne’e, bebe nia mate isin seidauk hakoi tanba sei iha prosesu investigasan,” subliña Sarjentu, Elias.(***)
1,221 total views, 3 views today
Bele hare Video Seluk :
Subscribe to Timorpost
