Jornalista Jaime Pires / Editór Noémio Falcão
DILI (Timor Post)—Diretór Jerál Pilar-7, Doutor Nilton do Carmo haktuir, to’o loron 24/08/2021, Timor Leste rejista ona ema mate ho moras daet COVID-19 hamutuk na’in-50. Husi total ne’e maioria seidauk vasina.
“Númeru ba óbitu (mate) horiseik hamutuk (49) maibé ohin dadeer na’in ida mate tan ona entaun sa’e ona ba 50,” haktuir Doutór Nilton ba Jornalista sira hafoin partisipa debate no aprovasaun ba estensaun estadu emerjénsia ba-dala-17, Tersa (24/08/2021).
Nilton dehan, sira na’in-50 inklui mate iha Izolamentu Vera-Kruz, Lahane, husi Ermera no Oe-Kusi.
Nia subliña, númeru ema ne’ebé mak agora baixa iha izolamentu Vera-Kruz no Lahane hahú husi inisiu to’o agora rejistu ona Pasiente hamutuk 375 no iha semana kotuk rejista pasiente na’in-54.
Pasiente ikus ne’e inklui mos variante Delta.
1,175 total views, 3 views today
Bele hare Video Seluk :