Jornalista Jaime Pires / Noémio Falcão
DILI (Timor Post)—Polísia Nasionál Timor-Leste (PNTL) liuhusi Unidade Polísia Marítima (UPM) kaptura funsionáriu na’in-5 inklui pesoál saúde na’in-2, professor na’in-1, funsionáriu ministériu justisa na’in-1 no funsionáriu Telemor na’in-1.
Membru na’in-5 ne’e nu’udar membru grupu arte marsiál Persaudaran Setia Hati Terate (PSHT) ultrapasa fronteira ba hasa’e sintu (sabuk) iha Atambua.
“Foin dader iha ne’e, ita nia membru UPM Suai nian halo kapturasaun ba membru arte marsiál sira kompletu ho atributu organizasaun PSHT hamutuk na’in-5 ne’ebé tama hosi area Betun nian mai iha Mota Masin,” Komadante UPM, Superintendente Basilio de Jesus via telefone ba Jornalista, Sesta (20/08/2021).
Nia subliña, sidadaun na’in-5 ne’e ba iha loron 4 Agostu 2021 no sa’e sabuk iha Indonézia iha loron 16 Agostu no daudaun ne’e entrega ona ba ekipa Sentru Integradu Jestaun Krize (SIJK) hodi kumpre kuarentena durante loron 14.
1,066 total views, 3 views today
Bele hare Video Seluk :