ADVERTISEMENT

SPTL Husu Professór Sira Simu Vasina

  • Share
Foto Google

DILI (Timor Post)—Prezidente Sindikatu Profesór Timor-Leste (SPTL), Francisco da Costa Fernandes, husu ba profesór sira ne’ebé seidauk simu vasina, tenke hakbesik-an ba sentru saúde ka postu saúde sira hodi simu vasina.

Nia hatete, daudauk ne’e iha moras ne’ebé mak komplikadu tenke hakbesik aan ba iha parte médiku ninian atu bele hetan karta médiku ruma, no mós bele teste sira nia moras sira ne’e, para bele sai hanesan razaun ida, hodi aprezenta bainhira, karik desizaun Primeiru Ministru hatete katak la bele tama servisu ou labele servisu ona ka sira lakon sira nia servisu ne’e.

ADVERTISEMENT
SCROLL FILA BA NOTISIA


Nia haktuir, Governu iha intensaun di’ak hasai liafuan ida ne’e, ba para bele asegura ninia funsionáriu públiku sira ne’ebé sai hanesan mákina estadu hodi labele sai vítima.

Lee Mós :
MS Planeia Fasilita Formasaun Diagnóstiku ba PS

“Ha’u hanoin hanesan Primeiru Ministru atu bele foti ida ne’e sai hanesan deklarasaun polítika ida, atu enkoraja ninia funsionária hotu-hotu tenke hola parte ba ninia desizaun ne’ebé mak mosu iha Konsellu Ministru katak funsionáriu hotu tenke hetan vasina para bele salva aan hosi moras ida ne’e,” hatete Francisco ba Timor Post iha ESG 04 de Setembru Balidi, Kinta (12/08).

Nune’e mós, nia dehan, deklarasaun balun ne’ebé mak sai hanesan desizaun hosi Konsellu Ministru ne’e katak, ema sira ne’ebé hanesan isin rua todan, ema sira ne’ebé fó susu labarik no ema sira ne’ebé iha moras komplikadu, ida ne’e bele hetan ou bele simu vasina, maibé tenke liuhosi teste ida para deskobre sira ne’e bele simu ou labele simu.

Lee Mós :
Konsellu Ministru Nomeia João Amaral ba Prezidente Konsellu Fiskál BTL

“Sei nia la simu, entaun tenke iha justifikasaun ruma ka hetan karta médiku ruma para bele aprezenta sai hanesan razaun, tanba dala barak funsionáriu sira, liuliu profesór sira balu bele partisipa no balu la partisipa, entaun deklarasaun Primeiru Ministru nian hanesan fanun ita atu haree oinsá mak atu ita hala’o ita nia kna’ar no bele salva ita nia aan hosi moras da’et ne’e”, hatutan nia.

Tanba ne’e mak, deklarasaun Primeiru Ministru nian ne’e parte ida di’ak, para bele fó hanoin ba funsionáriu sira atu bele partisipa mós ba programa vasinasaun nian ne’ebé mak Governu rasik hala’o liuhosi sira nia polítika atu bele salva guarda ninia funsionáriu.

Lee Mós :
Populasaun Revolta Autoridade Tanba Kritika Xanana

“Ha’u hanoin ida ne’e deklarasaun polítiku, parte seluk mós bele hatete katak sira ne’ebé seidauk hetan vasina sira labele tama lai servisu, ne’e mós ba parte ida hatete deklarasaun polítika atu bele enkoraja sidadaun hotu-hotu ka funsionáriu hanesan mákina estadu hodi asegura sira nia umanidade para salva aan hosi moras ida ne’e”, nia hakotu. (mj10)

 867 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “SPTL Husu Professór Sira Simu Vasina” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No