Jornalista Jaime Pires / Editór Noémio Falcão
DILI (Timor Post)—Prezidente Repúblika, Farancisco Guterres Lu-Olo afirma, eleisaun nia objetivu lolo’os la’ós atu hetan lejitimidade maibé hili líder ne’ebé matenek hodi serví povu.
Lú Olo afirma kestaun ne’e iha nia diskursu iha Salaun Lalini Larigutu CNE, Kolmera, Dili, Kinta (12/08/2021), bainhira partisipa lansamentu rezultadu peskiza eleitoral ho tema “Revolusaun Demokrasia iha Timor-Leste”.
“Eleisaun atu hili ita nia nai ulun sira iha órgaun soberania sira ba atu serbí povu la’ós de’it mak atu hetan lejitimidade demokrátiku,” Xefe Estadu subliña.
Ho objetivu ida ne’e, ba sé de’it maka povu hili ba kaer ukun tenke hatene fó resposta loloos ba saida mak povu nia hakarak no ba rai ida ne’e.
“Tanba ne’e hamutuk ho ita nia konstituisaun RDTL nu’udar ita nia mata dalan. Ita haki’ak no haburas ita nia país ho demokrasia paz no estabilidade hasa’e moris di’ak ba ita nia povu tomak,” Lú Olo hatete.
Nia dehan, tema ida CNE foti ho naran revolusaun Demokrasia Timor-Leste ne’e relevante tebes ba realidade sosial polítika ohin loron ninia.
Lu-Olo aumenta, revolusaun Demokrasia iha Timor-Leste depende ba realidade ne’ebé mak ita nia matan haree no ita nia tulun rona.
Bainhira koñese realidade ida, forma juizu demokrátika ida kona-ba propriu realidade atu halo mudansa atu la’o ba oin nia, ida ne’e importante tebes. (Lee notísia seluk iha Jornál Timor Post)
551 total views, 3 views today
