ADVERTISEMENT

Ita Hadomi Sira Mas Sira Duku Tiha, “Marka Ajenda Tún Dili”

Timor Post - Jeral
  • Share

DILI—Konsilleru Máximu Partidu KHUNTO, José dos Santos Naimori Bukar afirma, nia akompaña hela situasaun polítika iha rai laran husi Ainaro. Nune’e, tuir ajenda semana datolu iha fulan Janeiru nia laran nia sei tún Dili hodi ko’alia kona-ba nia parte nia pozisaun.

Ba Jornaliista Timor Post, Tersa (21/01/2020), Naimori hatete, nia seidauk bele ko’alia barak ho Jornalista sira maske hetan ona kontaktu husi mídia nasional sira.

ADVERTISEMENT
SCROLL FILA BA NOTISIA


“Lae, lae, agora lae. Ha’u sei halo hela servisu…Ha’u iha Ainaro,” Naimori hatan via telefone ba Jornalista Timor Post.

Maske nune’e, ba Timor Post, Naimori subliña de’it katak, nia parte “tuir de’it” (pasrah) ba situasaun atuál no sei ko’alia klen kona-ba KHUNTO nia pozisaun.

“Ita hadomi sira, mas sira duku tiha. Ne’e ita atu halo saida. Depois ita haree, depois ha’u tún ba mak ita hasoru malu,” Naimori salienta.

Tuir planu Naimori sei tún Dili iha loron sábadu semana datolu fulan ne’e.

“Ha’u tú ba mak entrevista (klean),” Naimori hatete.

Entretantu Primeiru Ministru Taur Matan Ruak afirma, koligasaun Aliansa Mudansa ba Progresu (AMP) ne’ebé forma husi CNRT, PLP ho KHUNTO hodi forma governu daualu laiha ona, tanba nia konsidera CNRT maka hamate ona iha loron Sesta (17/01/2020) bainhira rejeita Orsamentu Jerál Estadu (OJE) 2020 nian iha Parlamentu Nasionál.

“AMP laiha ona. Desizaun saida de’it (husi prezidente repúblika) ha’u prontu para kontinua apoiu,” afirma Taur Matan Ruak hafoin hasoru malu ho Prezidente Repúblika, Francisco Guterres Lú Olo, Segunda (20/01/2020), iha Palásiu Prezidensiál, Bairro-pité, Dili.

Lee Mós :
Pasiente Pozetivu COVID-19 Sa’e ba Na’in Ualu, Motorista no Ajudante Negativu

Ba Jornalista sira Taur hatete, lolo’os AMP iha komprimísu tolu ne’ebé importante maka, ida programa tenke pasa, orsamentu tenke pasa, lei sira estrurante tenke liu. Maibé saida mak akontese, CNRT la kumpri komprimísu ida ne’e.

“Orsamentu la liu tanba CNRT maka kontra, Deputadu CNRT sira mak baku mate tiha AMP iha Sesta feira ne’e,” Taur hatutan.

“Ha’u la hatete traisaun, tanba diskursu xefe bankada CNRT nian ne’ebé hatete, pimeiru tanba kandidatu CNRT nian na’in hitu ne’ebé prezidente repúblika la fó posse, segundu tanba primeiru ministru sobu sistema,” Taur hatete.

Entaun hanesan karreta ida karik prezidente hasai tiha roda ida, primeiru ministru sobu tiha kadeira iha karreta laran, deputadu CNRT sira mak dudu monu tiha karreta no sunu.

“Ha’u husu deskulpa ba lideransa CNRT nian, PLP nian no KHUNTO nian, ba militantes no simpatejante sira ne’ebé servisu mate-an para AMP ne’e akontese, mas infelizmente deputadu CNRT sira baku mate tiha AMP,” Taur lamenta.

“Ida sobu roda ne’e mak sala ka ida sobu de’it kadeira ne’e mak sala ka ida sunu karreta ne’e mak sala. Ne’ebé responsabilidade tomak ba deputadu CNRT nian ba iha parlamentu nasional, sira mak sobu AMP, i ha’u hanesan primeiru ministru ha’u ondradu ba konvites AMP liuliu CNRT para lidera governasaun ida ne’e, ha’u agradese ba apoiu hotu, so-ke ha’u hakarak hatete ba deputadu sira katak, ha’u la gosta presaun no sabutajen,” Taur afirma tan.

Lee Mós :
Lojas do Agricultor receberão apoio do MAP

Maske nune’e, Taur dehan, hanesan veteranu ida kontinua optimista katak ba timor solusaun sempre hetan.

“Problema iha, solusaun tenke iha, kadiadu iha, xave iha. Agora ita tenke fera ulun.

Tanba ne’e, Taur kontinua apela ba populasaun tomak atu kontinua túr hakmatek.

Entretantu Parlamentu Nasionál halo ona votasaun ba proposta lei Orsamentu Jerál Estadu (OJE) ba tinan fiskal 2020 ne’ebé aprejenta husi Primeiru Ministru Taur Matan Ruak ho nia membru governu sira, ho votus a favor 13, kontra 15 no abstensaun 25.

Ho nune’e, proposta ne’e la pasa, signifika proposta ne’e la hakat ona ba espesialidade. No tuir konstituisaun, governu sei iha oportunidade ba dala ida tan hodi aprejenta hikas proposta foun ba OJE 2020 nian. Maibé bainhira la aprova tan maka konstituisaun fó kompeténsia ba Prezidente Repúblika dissolve Parlamentu Nasional ho hakat ba eleisaun antesipada.

Tuir observasaun jornalista, deputadu maioria husi bankada CNRT maka vota abstensaun, FRETILIN kontra hotu, PD balu vota abstensaun no a favor.

Iha intervensaun ikus husi Primeiru Ministru Taur Matan Ruak afirma, nia simu desizaun parlamentu nasional nian no nia governu kontinua prontu atu la’o nafatin ho duodésimu, maske nia triste ho desizaun ne’e tanba iha implikasaun ba situasaun ekonomia no sosial iha Timor Leste.

Lee Mós :
Autoquarentena apenas autorizada a diplomatas

“Situasaun iha parlamentu nasional hatudu dala ida tan katak, jestaun ita nia nasaun nian iha difikuldade atu lori hodi tuir dalan ne’ebé loos. Siuasaun ida ne’e loke dala ida tan ba ita nia pais atu tuir dalan orsamentu duodésimu,” Taur subliña.

Deputada husi bankada KHUNTO Olinda Guterres iha nia intervensaun afirma, nia arepende ho desizaun CNRT nian hodi la halo liu proposta OJE ne’e. Nia dehan, ba oin nia partidu dúvida boot atu hamutuk iha koligasaun ne’ebé hanesan.

Iha deklarsaun votu, Prezidente PD, Mariano Assanami Sabino hatete, nia rasik vota a favor ba OJE 2020 ho nia konsiénsia rasik hanesan deputadu no la reprejenta partidu.

Deputadu sira husi FRETILIN afirma, husi rejultadu desizaun ne’e mak hatudu desizaun polítika ne’ebé obriga jerasaun tuan sira atu tur hamutuk hodi hakotu inserteja polítika iha rai laran.

Deputadu husi PLP sente triste tanba proposta OJE ne’e la pasa, maibé sira fi’ar ba oin sei iha solusaun di’ak liu.  (cao)

 695 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Ita Hadomi Sira Mas Sira Duku Tiha, “Marka Ajen…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No