DILI (Timor Post) – Kultura paz kuda dadaun ona iha Mindanao, Filipina. Nasaun ida ne’ebe nakonu ho ran kauza husi konflitu durante tinan 40. Akordu paz ne’ebe lidera husi grupu sivil ne’ebe asinadu iha loron 24 Janeiru 2014, dadaun ne’e implementa hela no hasa’e konsientizasaun ba paz nian iha komunidade nia leet. Akordu ida ne’e barak liu fo kontribuisaun iha kria ambiente paz atu alkansa dame entre governu Filipina no povu Moro.
Prezidente Kultura Selestial, Paz Mundial, Restaurasaun da Luz (HWPL), Lee Man-hee kria ona eventu oioin no atividade iha Filipina desde Junu 2013, inkluilori apoiu umanitaria ba area izoladu, kria konversasaun ho lideransa relijiozu atu moris armonia entre relijiaun sira no harii rede juventude ida ba paz nian. Iha esforsu ida ne’e nia laran, Prezidente Lee Man-hee hetan konvida ba Mindanao husi exelentismu Antonio J. Ledesma, Arcebispo da Arquidiocese de Cagayan de Oro.
Prezidente Lee konsiente katak konflitu Mindanao, hanesan konflitu relijiaun Katolika-Musulmanu no sai uma nain festival marsa da paz dahuluk, iha loron 24 Janeiru 2014 iha Mindanao, General Santos, Filipina.
Liu ema rihun ida (1.000), inkluindu sarani husi relijiaun rua ne’e, estudante universitariu husi relijiaun rua, estudante husi Universidade Publiku Mindanao, no membru grupu joventude paz internasional partisipa hotu. Hafoin marsa da paz, Prezidente Lee koalia kona ba presiza duni paz ba lideransa Katolika no Musulmanu, grupu juventude no profesor universidade, iha otel General Santos.
Prezidente Lee krtitika lideransa relijiaun ne’ebe hamosu konflitu kleur ne’ebe lori ho liafuan no relijiaun, no emfatiza katak “Maromak nia hakarak maka Dame, la’os funu.” Lee mos husu ba partisipante sira, “serake imi hakarak paz ga imi hakarak funu,” no husu sira foti liman karik sira hakarak paz.
Bainhira ema hotu foti liman, Prezidente Lee bolu reprezentante Katolika no Islam mai iha palku leten hodi dehan “Se hanesan ne’e, asina akordu paz ne’e.”
Fernando Robles Capalla, DD, Arcebispo emérito da Arquidiocese de Davao, no Esmael G. Mangudadatu, administrador Maguindanao, asina konkordansia atu kria paz no hapara funu ida-idak hanesan reprezenta Katolika no Islam, durante a paz espontânea serimônia assinatura akordu.
Deklarasaun paz Mindanao, iha ne’ebe HWPL sai mediador, sujere atu halo apromiximasaun ho baze “hasa’e konsiensia no asaun ne’ebe sentraliza ba sivil” ba paz.
Ho aproximasaun ne’e, HWPL hahu atividade paz nian iha Filipina tomak, inklui Mindanao, atu alkansa konsiensia paz publiku kona ba prinsipiu sira paz universal nian ne’ebe kompriende malu, respeita no armonia. HWPL mos halo inisiativa paz ne’ebe sentraliza/fokus ba ema sivil, inklui edukasaun, relijiaun, juventude no feto, atu halakon fator sira ne’ebe sai baze konflitu no mos atu hametin valor prinsipal sira atu konstrui paz.(ita)
377 total views, 6 views today
