ADVERTISEMENT

Deteta Operadór Ekonómiku Ida Fa’an Sasán Liu Prazu

Timor Post - Ekonomia · Nasionál
  • Share
Foto Google

DILI (Timor Post) — Durante fulan Juñu 2021, Autoridade Inspesaun Fiskalizasaun ba Atividade Ekonómika, Sanitaria no Alimentár (AIFAESA) liuhusi inspesaun deteta operadór ekonómiku balun komete infrasaun ka fa’an sasán liu prazu.

Tanba ne’e, Inspetór Jerál AIFAESA, Ernesto Monteiro, hatete durante fulan ida hala’o inspesaun ba estabelesimentu hamutuk 81, deteta ida komete infrasaun ka fa’an sasán liu prazu.

ADVERTISEMENT
SCROLL FILA BA NOTISIA

“Infratór ne’e agora daudaun halo hela prosesu ba nia dokumentu iha parte jurídiku para halo investigasaun ba nia,” informa Ernesto Monteiro ba Timor Post iha knar fatin Kaikoli, Tersa (27/07).

Lee Mós:
Hugo Lourenco : Kompozisaun Governu Atual Aat Liu Hotu

Tanba ne’e, nia dehan, prosesu hotu sei iha parte jurídika hodi halo investigasaun molok fó sai rezulta loloos ba públiku. Tanba ne’e seidauk bele anunsia, katak komete infrasaun ne’e loja ka indivíduu. Maibé tipu de infrasaun mak fa’an sasán prazu.

Nune’e mós folin sasán iha merkadu, nia afirma, folin normal iha territóriu laran tomak. Maski iha preokupasaun husi munisípiu balun ne’ebé folin sa’e, liuliu ba material konstrusaun nian.

Aleinde ne’e, iha mós operadór ekonómika iha munisípiu Likisá hasa’e folin material konstrusaun nian, tanba ne’e sei submete ba iha Ministériu Públiku para bele prosesa ba oin.

Lee Mós:
PNTL Hatama Reseita 3281 USD ba Kofre Estadu

Folin material konstrusaun sira ne’e, sa’e husi 20% to’o 150%, ka tuir loloos fa’an iha kapitál Dili ho folin $13.00 maibé sira fa’an ho folin $40.00, tanba ne’e prosesu sira ne’e submete ona ba Ministériu Públiku.

“Material konstrusaun, liuliu besi kuadradu ne’ebé ema fa’an iha Dili $13 ital, maibé nia fa’an to’o $40-resin, ho razaun ne’e iha hela prosesu hodi submete ba iha Ministériu Públiku,” esplika nia.

Lee Mós:
Tane Konsumidor Identifka Foos ho Marka Tali Merah Aat

Ho nune’e, nia hatete, notifika operadór ne’e atu kumpre nia obrigasaun hanesan sidadaun, liuliu selu multa ka sansaun administrativu ruma.

Portantu, durante fulan ida ne’e, AIFAESA hala’o inspesaun iha fatin estabelesimentu hanesan loja 40, supermerkadu 7, loja konstrusaun 8, loja eletróniku 1, restaurante 9, massage 1, Talho 5, loja alimentár 9, no indústria alimentár 1, total hamutuk 81.(jho)

 159 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Deteta Operadór Ekonómiku Ida Fa’an Sasán Liu P…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: