(Reportajen: Caetano Guterres / Editór: Noemio Falcão)
BAUKAU (Timor Post) — Responsabel Eletresidade Timor-Leste Empreza Públika (EDTL.EP) Postu Administrativu Laga, Munisípiu Baukau halerik tanba menus Rekursu Umanu (RH). Problema ne’e mak durante hasoru iha baze no falta ekipamentu servisu difikulta atendimentu servisu.
Responsabel EDTL.EP Laga, Domingos de Sousa Gama ba Timor Post, Domingu (04/07/2021) haktuir, dadaun ne’e iha de’it funsionáriu na’in-rua ho transporte motorizada defisil atu to’o lais iha kliente nia uma atu hadi’a avariasaun ne’ebé akontese.
“Ami na’in-rua de’it, ekipamentu servisu nian hanesan laiha transporte, eskada, no ekipamentu seluk tan, zero, laiha liu dala barak akontese avaria iha komunidade nia uma ka liña públiku sira kestiona dehan ami lakohi atende,” Domingos haktuir.
“La’ós ami mak lakohi ba maibé ami na’in-rua de’it depois ekipamentu hanesan karreta no ekipamentu sira seluk laiha liu oinsá ami bele fasilita ba atende lais komunidade sira iha baze,” nia hatutan bainhira hadi’a hela kliente na’in-rua nia liña eletresidade ne’ebé hetan avaria.
Nia afirma, kestaun ne’e hato’o bei-beik ona ba dirasaun EDTL munisípiu no nasionál desde uluk to’o mai agora sai ona EDTL.EP mais kontinua la iha resposta kona-ba menus rekursu humanus no ekipamentu servisu hanesan transporte karreta tula eskada ba fatin avaria no seluk tan.
Domingos esplika durante ne’e hala’o servisu atendimentu ba kliente eletrisidade nian hamutuk uma kai rihun hat atus hitu ualu nulu ne’ebé mak rejistradu, maibé sei liu tanba area Laga fronteira ho Lautem, Baguia, Kelikai no Baukau vila, nune’e bainhira halai servisu tuir kondisaun ne’ebé iha, dala ruma akontese avariasaun iha liña koordena ho komunidade sira ba taa au kesi iha ai-riin eletrisidade halo eskada sa’e ba hadi’a tanba
“Ita hatene katak servisu iha eletrisidade ne’e perigu tebes baa mi nia vida maibé ekipamentu no fasilidade fasilita ami la iha, dala ruma ami buka meius halo koordenasaun ho populasaun sira taa au kesi bar in eletrisidade hafoin ami sa’e ba leten hadi’a maibé la iha pasiénsia ami telephone hein bainhira ekipamentu to’o mai ami hadi’a, mezmu komunidade sira dala barak dehan ami la servisu,” dehan nia.
Responsabel EDTL.EP postu administrative Laga ne’e rekomenda ba parte kompetente atu kompleta rekursu humanus no fasilidade servisu hanesan transporte karreta nune’e bele atende kliente hodi hatama reseita ba kofre estadu.
Entertantu kliente Gaspar B. Belo sente tristi tanba durante ne’e kontribui ona EDTL.EP liu husi sosa pulsa maibé kuandu to’o hetan avaria tenke hein loron rua tolu mak hetan atende tanba funsionáriu limitadu no mos la iha ekipamentu atu funsionáriu sira uza hodi atende kliente.
“Hanesan kliente ha’u sente tristi tanba ita hetan avaria tenke hein kalan ida loron rua tiha mak foin funsionáriu sira mai atende, depois sira mai atende mos la iha ekipamentu para uza hodi hadi’a, ita kliente mak tenke halai tun sae buka eskada no seluk tan fasilita sira depois hadi’a. (Lee Notísia Seluk iha Jornál Diáriu Timor Post)
1,104 total views, 9 views today
Bele hare Video Seluk :
Subscribe to Timorpost
