Reportajen Rosa Garcia
DILI (Timor Post)– Timor lakon nia figura Edukadór diak ida, Dosente UNTL, Miguel Maia, husik iis iha Hospital Nasional Guido Valadares (HNGV), ohin dader tuku 07.45 Oras Timor Leste,hafoin nia kontra moris oin-oin (komplikadu) ne’ebé ataka ba iha nia imunidade to’o halo nia isin labele reziste no husik iis.
Padre Evaristo Soares, matebian nia kunhado ba Timor Post, Sabadu (03/7) ,informa Matebian sente moras iha fulan ida ba kotuk, kondisaun ninian halo matebian labele hola parte iha seremonia funeral nia banin ne’ebé mate iha fulan ida liuba, no tenta lori ba konsulta iha klinika KURA HAU ha’u maibe labele hetan resultadu positivu no iha Sabadu (03/07) matebian ne’ebé mak nudar mós Prezidenti Konselhu Centru Quesadhip Ruak husik iss iha HNGV.
“Nia sente fraku, nia la toba, momentu ha’u nia pai mate nia sente mal, nia mós halo dieta ba nia-an .Momentu papa mate nia la konsege ba partisipa papa nia funeral, Missa iha Katedral mós labele ba hola parte, nune’e ba halot iha Atsabe mós labele tuir, tanba nia fraku, situsaun ne’e halo nia la toba, nia isin fraku.Dona Isabel Ferreira (PM nia kaben), mai lori ba konsula iha KURA HAU, matebian mós halo tratamentu iha uma.Momentu loron 25 Juño ha’u ba haree iha uma, ha’u obriga hodi lori ba Hosiptla Nasional.Iha emerjensia nia hetan atendementu,baixa loron 2 iha sala VIP no 4, maibé laiha mudansa, saúde tun liutan, no muda ba ICU, esforsu hotu halo maibé labele hetan resultadu positivu prejudika tensaun sa’e makas, parte mediku uza vetilator ,maibe labele salva, no ohin dader oras 07.45, matebian husik iis”, konta tur Amo Evaristo ne’ebé mak akompaña matebian lori ba nia rezidensia Tuana Laran.
Matebian mate husik nia fen kaben, Saturnina Fernandes Soares ho oan nain rua inklui ona hakiak lubun.(Lee nutisia seluk iha Jornal Diariu Timor Post)
1,296 total views, 3 views today
Bele hare Video Seluk :
Subscribe to Timorpost
