ADVERTISEMENT

BNCTL Adia Pagamentu ba Idozu

  • Share

DILI (Timor Post)—Parlamentu Nasionál preokupa kona ba Banku Nasional Komersiu Timor-Leste (BNCTL) ne’ebe kansela halo pagamentu ba idozu sira iha territóriu laran tomak no halo fali pagamentu iha fin ba fulan Juñu ne’

Diretór Ezekutivu BNCTL, Brígido de Sousa, klarifika ba públiku katak pagamentu ba idozu no defisiente sira sei hala’o iha semana tuir mai, la’ós kansela maibé adia.

ADVERTISEMENT
SCROLL FILA BA NOTISIA


“Ami halo ona enkontru ka koordenasaun ho INSS no ami konkorda ona pontu lubuk ida ne’ebé INSS sei halo no BNCTL sei halo preparasaun hotu, no sentru jestaun mak sei hateten katak munisípiu ida ne’ebé mak aplika serka sanitaria ne’e sei adia lai semana ida ka rua,” informa Brígido ba Timor Post via telefone, Kinta (10/

Lee Mós :
Foos Marka “Amor de Familia” Te’in Ladún Sabór

Nia klarifika, BNCTL adia pagamentu ba semana ida ka rua iha fulan ne’e, nune’e bele prepara kondisaun, liu-liu kona ba covid-19 hodi labele da’et iha sosiedade.

“Termu ne’ebé BNCTL uza ne’e adiamentu la’ós kanselamentu, ho razaun sira ne’ebé ami tau iha pájina facebook katak ita tenke prepara didi’ak pagamentu no atendimentu ba idozu no ema ho defisiénsia sira ne’e,” nia esplika.

Nia dehan, tanba covid-19 entaun presiza koordena ho Sentru Integradu no Jestaun Krize no mós Ministériu Saúde ho inklui mós autoridade lokál sira, nune’e benefisiáriu sira bele foti direitu tenke kumpre regra organizasaun mundiál saúde nian.

Lee Mós :
PM Orienta SEKOMS Tau Atensaun Maka'as ba Debate OJE 2023

Nia dehan, razaun husi adia ba pagamentu ne’e atu koordena ho Ministériu Solidariedade Sosiál no Inkluzaun (MSSI), Ministériu Saúde, SIJK inklui autoridade lokál sira, nune’e bele evita propagasaun Covid-19 iha sosiedade.

Partikularmente, nia dehan, munisípiu sira ne’ebé la aplika serka sanitaria sei hala’o ona pagamentu ba idozu no defisiénsia sira, no munisípiu ne’ebé aplika serka sanitaria hanesan Dili, Baukau no Vikeke sei adia semana ida ka rua hodi bele hala’o pagamentu ona.

Brígido esplika, atendimentu ne’e sei hala’o iha kada suku ida-idak, ho kada suku tuir oráriu ne’e banku determina ona, sei iha mós prosesu dixiplinár ba suku ne’ebé atu hetan pagamentu mak bele marka prezensa.

Lee Mós :
Aldeia Rua iha Suku Bekora Seidauk Asesu Subsídiu Fim do Ano

“No sei halo de’it atendimentu iha sede suku sira, ema la konsentra iha banku hodi dudu malu, banku sei dixiplina katak suku ida ne’ebé idozu ka ema ho defisiente atu fila mak mai, ida seidauk ne’e labele mai lai,” hateten nia.

Nia dehan, ba munisípiu sira ne’ebé la aplika serka sanitaria sei hala’o pagamentu iha loron 20 fulan Juñu tinan ne’e, banku adia pagamentu tanba ne’e kumpre rekizitu balun husi Sentru Integradu Jestaun Krize (SIJK) no Ministériu Saúde. (jho)

 1,245 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “BNCTL Adia Pagamentu ba Idozu” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No