(Reportájen Florindo Coluna/Editor Suzana Cardoso)
DILI (Timor Post) – Eletrisidade soke traballador konstrusaun uma nain rua. Nain ida mate no nain ida kanek grave ne’ebé halo ona tratamentu iha emerjensia Hospital Nasionál Guido Valadares (HNGV).
Akontesementu ne’e akontese iha loron Sesta, (11/06/2021), maizumenus iha tuku 09:48 OTL, parte profesional saúde iha atendementu emerjensia HNGV simu informasaun husi komunidade balu husi Suku Bekora, Postu Administrativu Cristo Rei katak eletrisidade soke Traballadór na’in rua.
Nune’e ekipa atendementu emerjensia, kompostu husi médiku, emfermeira desloka kedas ba fatin akontesementu hodi fó salvasaun dahuluk nian ba traballadór na’in rua ne’e hodi transfere kedas mai emerjensia.
Durante halo viajen, Nicolau Pinto da Silva mate iha dalan mai Emerjensia. No Carlito das Neves kanek grave no hetan ona atendementu mediku.
“Informasaun ne’e ha’u mak simu. Ha’u mak team leader ba ekipa ohin loron nian. Ohin pasiente mai akompaña husi ambulansia parte Bekora nian ho status eletrisidade maka soke,” esplika team leader emerjensia HNGV, Egas Minguel Pereira ba Jornalista, Bidau, Sesta, (11/06/2021).
Nia hateten, pasiente Carlito kanek todan toba hela ne’e. Maibé ninia kolega Nicolau bainhira to’o iha emerjensia HNGV lakonsege salva nia vida tanba is kotu iha dalan bainhira halo viajen mai HNGV.
“Ami médiku no pesoál saúde sira iha ne’e ami tenta para ajuda hadau malu nia vida. Ami konsege sona. Ami Bomba para mai fila fali iha minute 45 nia laran. Maibé too ikus fuan la book an. Nicolau nia is kotu,’ esplika Egas.
Katak Egas, médiku sira bolu familia matebian Nicolau ho familia Carlito hodi halo esplikasaun. Carlito hetan kanek grave iha liman to’o ain elektrisidade soke Kanek hotu.
“Mane nian rua ne’e hetan dezastre tanba halo hela servisu kontrusaun ba uma iha parte maka eletrisidade soke,” tenik Egas. To’o notísia ne’e hatun akontesementu ne’e sei iha hela investigasaun ba motive eletrisidade soke ne’e. (Lee notisia kompletu iha Jornal Timor Post)
690 total views, 3 views today
Bele hare Video Seluk :