(Reportájen Olga Soares/Editor Suzana Cardoso)
DILI (Timor Post) – Ida hosi sidadaun nain haat ne’ebé mout hosi ró Adewa-01 bainhira halo viajen hosi Dili ba illa Atauro hetan ona ho kondisaun mate. Matebian nu’udar funsionariu Hospital Nasional Guido Valadares (HNGV).
Ba Timor Post iha HNGV, Segunda, (17/5/2021) kolega hosi matebian Rui Sarmento Martins (36) konta, matebian antes sai husi HNGV sei kasu liafian ba kolega servisu.
“Hau tenke ba Atauru. Tanba hau nia Ama iha Atauru fos laiha. Segunda hau sei tama servisu tarde,” hasara kolega servisu hosi Matebian Rui iha HNGV hodi hatutan Matebian Rui sai uza jaket ho sepatu kompletu.
Matebian Rui servisu funsionariu HNGV nu’udar asistente infermeiru dezde tinan 2008 ne’e mate husik hela feen kaben no oan feto nain tolu. Matebian Rui ema ne’ebé badinas servisu. Humoris no hamnasa dor.
Hanesan públika tiha iha youtube Timor Post official no jornál edisaun Segunda, (17/5/2021) katak, sidadaun nain 7 halo viajen hosi Dili ba Illa Atauro. To’o iha tasi klaran Dolog oan ró ho Adewa-01 ne’e mout.
Husi nain hitu ne’e, nain tolu salva aan ho nanin durante kalan tomak too mairai maran iha loron Dominggu, (16/5/2021) no halo ona tratamentu iha HNGV. Nain ida hetan ona ho kondisaun mate. Nain tolu seluk seidauk hetan to’o notísia ne’e hatun.(Lee notisia kompletu iha jornál Timor Post)
476 total views, 3 views today
