ADVERTISEMENT

Kona Covid-19, Artista Juga Gama Hakotu Is

Timor Post - Istilu Moris · Nasionál
  • Share
Hafoin moras Covid-19, Artista Juga Gama hakotu iis iha Vera Cruz. (Foto Espesial

(Reportájen Olga Soares/Editor Suzana Cardoso)

DILI (Timor Post) – Artista Juga Gama (41) ne’ebé kumpri hela nia sala tanba halai sai hosi prizaun iha Prizaun Bekora dezde loron 21 Agostu 2020 liu ba, hafoin kondena suspeitu Covid-19 hakotu iis iha Izolamentu Vera Cruz.

ADVERTISEMENT
SCROLL FILA BA NOTISIA

“Iha loron loron Tersa, (11/05/2021), ami familía simu informasaun husi Prizaun Bekora katak Prizoneiru hetan moras Dermatolojia (lepra). Guarda prizioneru lori ona ba iha Sentru saúde Bekora hodi hetan tratamentu.”

Esplika Alin husi matebian Juga Gama, Abito Gama ba Jornalista iha izolamentu Vera Cruz, Kinta, (13/05/2021). Nia hateten, husi informasaun ne’e família ba halo vizita iha Sentru Saúde Bekora nia kondisaun diak hela. “Matebian Juga sei koalia didiak ho ami familia,” katak Abito.

Lee Mós:
Kada Tinan, Rendimentu husi Billete ba Ramelau Rihun $40

Hatutan Abito, iha loron tuir mai matebian dehan rona pesoál saúde sira suspeita ho Covid-19. Nune’e evakua kedas mai iha izolamentu Vera Cruz. No iha Kinta tuku 16:00, simu kontaktu hosi izolamentu dahan dehan Maun Juga hakotu ona iis.

Iha oportunidade ne’e Abito lori familía ho laran luak simu realidade ne’e. No prontu tuir prosesu ka protokolu ne’ebé iha. Desizaun ikus familía hakarak, matebian tenke entrega nune’e familía halot tuir kustumi, hafoin lori ba halot ikus iha Semináriu Bekusi.

“Ami simu kontaktu husi izolamentu tuku 16:30 . Hafoin simu kontaktu, ha’u rasik mai direta iha izolamentu konfirma loos duni Juga Gama laiha duni ona. Matebian antes ne’e moras uituan Lepra no stomach. Maibé ida ataka ikus, familía mós hasoru kedas diretór prizaun hodi esplika matebian pozitivu Covid-19,” tenik Abito ho matan been turuk.

Lee Mós:
Assanami Sei Halo Mudansa ba Mentalidade Ne’ebé La Kontribui ba Unidade

Nia konta, hahú husi loron primeiru matebian hetan ataka, ami akompania kedas nia husi Sentru Saúde Bekora. Iha loron 11 Maiu tuku 17:00 familía lori mai entrega iha izolamentu. Loron rua de’it baixa iha izolamentu matebian iis kotu.

Matebian husik hela fen kaben ho oan nain haat. Matebian iha feton nain neen no maun alin nain lima. Matebian nia Aman Chico Gama artista lendariu fila uluk ona ba Aman Maromak.

Iha fatin hanesan Diretór Estabelesimentu Prizaun Bekora, João Domingos hateten, matebian mate duni ho Covid-19, maibé kona-ba matebian nia istoria moras klínika ne’e doutor sira mak hatene.

Lee Mós:
Tún husi Aviaun, Xanana ba Kumpri Auto Kuarentena iha Balibar

“Matebian sai husi prizaun Bekora iha Tersa, (11/05). Hafoin hetan swab teste husi pesoál saúde iha prizaun laran, lori kedas ba iha Sentru saúde Bekora halo ezame ba matebian nia moras deteta Covid-19. Hafoin iha tuku 17:00 ami transfere kedas mai iha izolamentu Vera Cruz. Liu loron rua matebian hakotu iis,” informa João.(Lee notísia kompletu iha Jornál Timor Post)

 97 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Kona Covid-19, Artista Juga Gama Hakotu Is” A few seconds ago
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Live Streaming
Live Streaming TImor Post TV
x
Varanda
Kategoria
Video
Buka
Watch
error: